ଗଜପତି: ଜିଲ୍ଲାର ଗୁମ୍ମା ବ୍ଲକ ଅଧ୍ୟକ୍ଷ ପଦ ବିଜେଡି ହାତରୁ ପୁଣିଥରେ ଝାମ୍ପି ନେଇଛି କଂଗ୍ରେସ । ଅଧ୍ୟକ୍ଷା ହୋଇଛନ୍ତି କଂଗ୍ରେସ ସମର୍ଥିତ ପ୍ରାର୍ଥୀ ଗୀତାଞ୍ଜଳି ଭୂୟାଁ । ଅଧ୍ୟକ୍ଷା ପଦ ପାଇଁ ବୁଧବାର ହୋଇଥିବା ନିର୍ବାଚନରେ ଗୀତାଞ୍ଜଳି ୧୦ଖଣ୍ଡ ଭୋଟ ପାଇଥିବା ବେଳେ ବିଜେଡି ସମର୍ଥିତ ପ୍ରାର୍ଥୀନି ମିଖଲ ଭୂୟାଁ ୮ଖଣ୍ଡ ଭୋଟ ପାଇଛନ୍ତି ।
ଗୁମ୍ମା ବ୍ଲକ ଅଧ୍ୟକ୍ଷା ପଦ ବିଜେଡି ହାତରୁ ପୁଣିଥରେ ଝାମ୍ପି ନେଇଛି କଂଗ୍ରେସ
ଏହି ନିର୍ବାଚନକୁ ନେଇ ଗତ କିଛି ଦିନ ହେଲା ଗଜପତି ଜିଲ୍ଲା ରାଜନୈତିକ ପାଣିପାଗ ଖୁବ୍ ଉଷ୍ମ ହୋଇ ଉଠିଥିଲା । ଏହି ପଦବୀ ହାତେଇବା ପାଇଁ ସବୁ ରାଜନୈତିକ ଦଳ ପ୍ରୟାସ କରିଥିଲେ ମଧ୍ୟ ଶାସକ ଦଳକୁ ପଦବୀରୁ ଦୂରେଇ ରଖିବା ପାଇଁ ଉଭୟ ବିଜେପି ଏବଂ କଂଗ୍ରେସ ମଧ୍ୟରେ ବୁଝାମଣା କରାଯାଇଥିବା ଯୋଗୁଁ ସ୍ଥିତି ଏଭଳି ହୋଇଥିବା କୁହାଯାଉଛି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
