ଢେଙ୍କାନାଳ: ପାନୀୟ ଜଳ ସଙ୍କଟ ଢେଙ୍କାନାଲ ଜିଲ୍ଲାର ବିଭିନ୍ନ ଅଞ୍ଚଳରେ ଜଟିଳ ହେବାରେ ଲାଗିଲାଣି । ବାରମ୍ବାର ଗୁହାରୀ ସତ୍ତ୍ବେ ବିଭାଗୀୟ କର୍ତ୍ତୃପକ୍ଷଙ୍କ ନିଦ ଭାଙ୍ଗୁନାହିଁ । ଫଳରେ ପାଣି ପାଇଁ ମହିଳାମାନେ ରାସ୍ତା ଉପରକୁ ଆସି ଆନ୍ଦୋଳନ କରିବାକୁ ବାଧ୍ୟ ହେଉଛନ୍ତି । ଏପରି ଏକ ଘଟଣାରେ ବୁଧବାର ପୂର୍ବାହ୍ନରେ କାମାକ୍ଷାନଗର ଓ ଢେଙ୍କାନାଳ ମୁଖ୍ୟ ରାସ୍ତା ଦୁଇଘଣ୍ଟା ଧରି ଅବରୋଧ ଯୋଗୁଁ ସାଧାରଣ ଯାତାୟାତ ଠପ ହୋଇଯାଇଥିଲା ।
ପିଇବା ପାଣି ସଙ୍କଟ, ହାଣ୍ଡି ମାଠିଆ ଧରି ରାସ୍ତାରେ ବସିଲେ ମହିଳା
ସୂଚନା ମୁତାବକ, ଢେଙ୍କାନାଳ ଜିଲ୍ଲା କାମାକ୍ଷାନଗର ଉପଖଣ୍ଡର ମହୁଲପାଳ ହରିଜନ ସାହିରେ ୪୦ଟି ପରିବାର ଲୋକ ବସବାସ କରନ୍ତି l କିନ୍ତୁ ଏହି ସାହିରେ ଦୀର୍ଘବର୍ଷ ହେଲା ପିଇବା ପାଣିର ଘୋର ଅସୁବିଧା ରହିଆସୁଛି l ସାହି ବାସିନ୍ଦା ମାନେ ପିଇବା ପାଣି ପାଇଁ ବାରମ୍ବାର ସରପଞ୍ଚ, ବିଡିଓ ଠାରୁ ଉପଜିଲ୍ଲାପାଳଙ୍କ ପର୍ଯ୍ୟନ୍ତ ଗୁହାରୀ କରି କରି କୌଣସି ସୁଫଳ ପାଇନାହାନ୍ତି l
