ଢେଙ୍କାନାଳ: ଜିଲ୍ଲାର ଭୁବନ ଥାନା ଅନ୍ତର୍ଗତ ଶାମଳ ଦର୍ପଣି ପୂର୍ତ୍ତ ବିଭାଗ ରାସ୍ତାରେ ସଡକ ଦୁର୍ଘଟଣା । ଏକ ଗଛରେ ଗୋଟିଏ ବାଇକ ଧକ୍କା ହୋଇଥିଲା । ଗୁରୁତର ଅବସ୍ଥାରେ ବାଇକ ଆରୋହୀଙ୍କୁ ଦମକଳ ବାହିନୀ ଉଦ୍ଧାର କରି ଭୁବନ ଡାକ୍ତରଖାନାରେ ଭର୍ତ୍ତି କରିଥିଲେ ।
ଗଛରେ ପିଟିହେଲା ବାଇକ
ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତକ ଜଣଙ୍କ ଢେଙ୍କାନାଳ ଜିଲ୍ଲା ଗଁଦିଆ ଥାନା ଅନ୍ତର୍ଗତ ବଲ୍ଲଭ ଗ୍ରାମର ବାପି ପାତ୍ର ବୋଲି ଜଣାପଡିଛି । ତେବେ ନିୟନ୍ତ୍ରଣ ହରାଇ ରାସ୍ତା କଡ ଗଛରେ ବାଇକ ପିଟି ହୋଇଥିବା ଅନୁମାନ କରାଯାଉଛି ।
ଘଟଣାରେ ଭୁବନ ପୁଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
