ଢେଙ୍କାନାଳ: ବକେୟା ବିଲ ଆଦାୟ ପାଇଁ ସେସୁ ଓ ସରକାରଙ୍କ ପକ୍ଷରୁ ବିଦ୍ୟୁତକାଟ ଘୋଷଣାକୁ ଢେଙ୍କାନାଳରେ ତୀବ୍ର ବିରୋଧ କରାଯାଉଛି । ଏନେଇ ଜଗତ ଉଦ୍ଧାର ମଞ୍ଚ ପକ୍ଷରୁ ଢେଙ୍କାନାଳ ଟାଉନ ହଲ ଠାରେ ଏକ ବୈଠକ ଅନୁଷ୍ଠିତ ହୋଇଥିଲା ।
ସେସୁର ବିଦ୍ୟୁତକାଟ ଘୋଷଣାକୁ ନେଇ ବିରୋଧ ପ୍ରଦର୍ଶନ
ଏହି ବୈଠକରେ ସେସୁ ବା ସରକାରଙ୍କର ଏପରି ତରବରିଆ ନିଷ୍ପତ୍ତିକୁ ତୀବ୍ର ସମାଲୋଚନା କରାଯାଇଥିଲା । ବିଦ୍ୟୁତ ଉପଭୋକ୍ତାଙ୍କ ବକେୟା ରାଶିକୁ କିସ୍ତି ଆକାରରେ ପୈଠ ପାଇଁ ସୁଯୋଗ ଦେବା, ବିପିଏଲ ଉପଭୋକ୍ତାଙ୍କୁ ଦେୟ ଛାଡ, ପିଲାଙ୍କ ପରୀକ୍ଷା ସମୟରେ ବିଦ୍ୟୁତ ନକାଟିବା ଆଦି ସମ୍ପର୍କରେ ଜିଲ୍ଲା ପ୍ରଶାସନ ଧ୍ୟାନ ଦେବାକୁ ବୈଠକରେ ଦାବି କରାଯାଇଥିଲା ।
ଏହି ବୈଠକରେ ଢେଙ୍କାନାଳର ମିଳିତ ଲକ୍ଷ୍ମୀପୂଜା କମିଟି, ସାମ୍ବାଦିକ ସଂଘ, ଆଇନଜୀବୀ, ବିଭିନ୍ନ ରାଜନୈତିକ ଦଳ ଓ ବୁଦ୍ଧିଜିବୀ ମାନେ ଯୋଗଦେଇଥିଲେ ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
