ଢେଙ୍କାନାଳ: ସହରର ବଳରାମ ମନ୍ଦିରର ଜଣେ ପୂଜକଙ୍କର କୋରୋନା ପଜେଟିଭ ଚିହ୍ନଟ ହେବା ପରେ ଜିଲ୍ଲା ପ୍ରଶାସନ ତତ୍ପର ହୋଇପଡିଛି । ଏପରିକି ବଳରାମ ମଦିରକୁ ସାନିଟାଇଜ କରାଯାଇଛି । ପରେ ବଳରାମ ମନ୍ଦିର ଓ ପୂଜକଙ୍କ ଘର ସହରର ଶ୍ୟାମଚରଣପୁରର କିଛି ଅଞ୍ଚଳକୁ କଣ୍ଟେନମେଣ୍ଟ ଜୋନ ଘୋଷଣା କରିଛି ପ୍ରଶାସନ।
ଅପରପକ୍ଷରେ ଗୁଣ୍ଡିଚା ଓ ବାହୁଡା ଅବସରରେ ଉକ୍ତ ପୂଜକ ବଳରାମ ମନ୍ଦିରକୁ ଯାଇଥିବା ଜଣାପଡିଛି । ଫଳରେ ମନ୍ଦିରର ସେବାୟତ, ଉକ୍ତ ପୂଜକଙ୍କ ପରିବାର ସମେତ ତାଙ୍କ ସଂସ୍ପର୍ଶରେ ଆସିଥିବା ୫୨ଜଣଙ୍କୁ ହୋମ କ୍ଵରେଣ୍ଟାଇନରେ ରହିବାକୁ ନିର୍ଦେଶ ଦେଇଛି ପ୍ରଶାସନ ।
ତେବେ ଚିହ୍ନଟ ହୋଇଥିବା ପୂଜକଙ୍କ ପୁଅ ଢେଙ୍କାନାଳ ସାଂସଦଙ୍କ ସଂସ୍ପର୍ଶରେ ଆସିଛନ୍ତି । ଫଳରେ ଢେଙ୍କାନାଳ ସାଂସଦ ମହେଶ ସାହୁ ହୋମ କ୍ଵରେଣ୍ଟାଇନରେ ରହିବାକୁ ପ୍ରଶାସନକୁ ଅନୁରୋଧ କରିଛନ୍ତି ।
ଢେଙ୍କାନାଳରୁ ଉର୍ମିଳା ପାତ୍ର , ଇଟିଭି ଭାରତ
