ଢେଙ୍କାନାଳ: ଏନଏଚ-55ରେ ଏକ ଯାତ୍ରୀବାହୀ ବସ ଦୁର୍ଘଟଣାଗସ୍ତ ହୋଇଛି । ନିଶା ନାମକ ଏହି ଘରୋଇ ବସଟି କଟକରୁ ଅନୁଗୋଳ ଏନଟିପିସି ଯାଉଥିବାବେଳେ ମୋଟଙ୍ଗା ଥାନା ଅନ୍ତର୍ଗତ ନିମବାହାଳି ଛକରେ ଠିଆ ହୋଇଥିବା ଏକ ଟ୍ରକ ସହ ଧକ୍କା ହୋଇଛି । ଫଳରେ ଟ୍ରକ ଡ୍ରାଇଭର ଓ ବସର ଡ୍ରାଇଭର ଏବଂ ହେଲପର ଆହତ ହୋଇଛନ୍ତି ।
ତେବେ ବସର ଅନ୍ୟ ସମସ୍ତ ଯାତ୍ରୀ ସୁରକ୍ଷିତ ଥିବା ଜଣାପଡିଛି । ସ୍ଥାନୀୟ ମୋଟଙ୍ଗା ପୋଲିସ ପହଞ୍ଚି ଆହତ ତିନି ଜଣଙ୍କୁ ସ୍ଥାନୀୟ ମେରମୁଣ୍ଡଳୀ ଡାକ୍ତରଖାନରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ଟ୍ରକ ଡ୍ରାଇଭର ଗୁରୁତର ହୋଇଥିବାରୁ ତାଙ୍କୁ ଢେଙ୍କାନାଳ ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ