ବାଇକ ଧକ୍କାରେ ଜଣେ ମୃତ, ଜଣେ ଗୁରୁତର

ଭାରସାମ୍ୟ ହରାଇ ଗଛରେ ବାଇକ ଧକ୍କାରେ ଜଣେ ମୃତ ଓ ଅନ୍ୟ ଜଣେ ଗୁରୁତର । ଢେଙ୍କାନାଳ କରମୂଳ ରାସ୍ତାର ମକୁନ୍ଦପୁର ନିକଟରେ ଘଟିଛି ଏହି ଦୁର୍ଘଟଣା ।

ଢେଙ୍କାନାଳ: କରମୂଳ ରାସ୍ତାର ମକୁନ୍ଦପୁର ଛକ ନିକଟରେ ଏକ ବାଇକ ଭାରସାମ୍ୟ ହରାଇ ଗଛରେ ପିଟି ହୋଇଛି । ଏହି ଦୁର୍ଘଟଣାରେ ବାଇକ ଚାଳକଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ଆଉ ଜଣଙ୍କୁ ଗୁରୁତର ଅବସ୍ଥାରେ ଢେଙ୍କାନାଳ ମୁଖ୍ୟ ଡାକ୍ତଖାନାରେ ଭର୍ତ୍ତି କରାଯାଇଛି ।

ମୃତକ ଜଣଙ୍କ କୃପାସିନ୍ଧୁ ପାତ୍ର ଓ ଗୁରୁତର ଜଣଙ୍କ ରଞ୍ଜିତ ବେହେରା ବୋଲି ଜଣାପଡିଛି । ଉଭୟଙ୍କ ଘର ସ୍ଥାନୀୟ କରମୂଳ ଗ୍ରାମରେ । ଉଭୟେ ଏକ ଠିକାଦାରଙ୍କ ପାଖକୁ ନିଜର ଶ୍ରମ ବାବଦକୁ ବକେୟା ଟଙ୍କା ଆଣିବାକୁ ଯାଉଥିଲେ ।

ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ