ଢେଙ୍କାନାଳ: ବାଇକକୁ ଧକ୍କା ଦେଲା କାର । କାର ଧକ୍କାରେ ବାଇକ ଚାଳକଙ୍କର ମୃତ୍ୟୁ ହୋଇଛି । କାର ଛାଡି ଡ୍ରାଇଭର ଫେରାର । ଘଟଣାସ୍ଥଳରେ ଟାଉନ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ଇଣ୍ଡିକା ଧକ୍କାରେ ବାଇକ ଆରୋହୀ ମୃତ
ସୂଚନାଅନୁସାରେ, କପିଳାଶ ରାସ୍ତାର ଭଗବାନପୁର ନିକଟରେ ଏକ କାର ଗୋଟିଏ ବଜାଜ ପଲସର ବାଇକକୁ ଧକ୍କା ଦେଇଛି । ଫଳରେ ଘଟଣାସ୍ଥଳରେ ବାଇକ ଆରୋହୀଙ୍କର ମୃତ୍ୟୁ ହୋଇଛି । ଦୁର୍ଘଟଣାର ଖବର ପାଇ ଘଟଣାସ୍ଥଳରେ ଟାଉନ ପୋଲିସ ପହଞ୍ଚି ମୃତଦେହକୁ ଉଦ୍ଧାର କରିବା ସହିତ କାରକୁ ଜବତ କରି ତଦନ୍ତ ଆରମ୍ଭ କରିଛି ।
ମୃତକ ଜଣଙ୍କ ହେଲେ ସଦର ଥାନା ଅନ୍ତର୍ଗତ ଦୁଧୁକାଟେଣି ଗ୍ରାମର ପ୍ରଦ୍ୟୁମ୍ନ ବାରିକ । ପ୍ରଦ୍ୟୁମ୍ନ ଭୁବନେଶ୍ବରରେ କାମ କରନ୍ତି । ସେ ଶ୍ରମିକ ପାଇଁ ସ୍ଥାନୀୟ ଟାଇଁଶ ଗ୍ରାମକୁ ଯାଉଥିବାର ଜଣାପଡିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
