ଢେଙ୍କନାଳ: ମାତିଛନ୍ତି ଚୋର । ବ୍ୟବସାୟୀଙ୍କ ଘରୁ କଳାକନା ବୁଲାଇଲେ ଦୁର୍ବୃତ୍ତ । ବନ୍ଧୁକ ଓ ମାରଣାସ୍ତ୍ର ଦେଖାଇ ଜଣେ ବ୍ୟବସାୟୀଙ୍କ ଘରୁ ବଡ ଧରଣର ଲୁଟ୍ ହୋଇଛି । ଢେଙ୍କାନାଳ ଜିଲ୍ଲା କାମାକ୍ଷାନଗର ପରଜଙ୍ଗର ଜଣେ ବ୍ୟବସାୟୀଙ୍କ ଘରେ ପଶି ୬ ଜଣ ଦୁର୍ବୃତ୍ତ ବନ୍ଧୁକ ମୁନରେ ୭ ଲକ୍ଷ ନଗଦ ଟଙ୍କା ସହ ୧୫ ଲକ୍ଷ ଟଙ୍କାର ସୁନା ଗହଣା ଲୁଟି ନେଇଛନ୍ତି ।
ଗତକାଲି (ଗୁରୁବାର) ବିଳମ୍ବିତ ରାତିରେ ପରଜଙ୍ଗ ସାଦନପଡାରେ ଥିବା ବ୍ୟବସାୟୀ ବିନୟ କୁମାର ସାହୁଙ୍କ ଘରୁ ହୋଇଛି ଏହି ଲୁଟ । ଦୁର୍ବୃତ୍ତ ମାନେ ଛାତ ସିଡି ଦେଇ ଘରେ ପଶିଥିଲେ । ପ୍ରଥମେ ବନ୍ଧୁକ ଓ ମାରଣାସ୍ତ୍ର ଦେଖାଇ ଗୋଟିଏ ଘର ଭିତରେ ପରିବାର ସମସ୍ତ ଲୋକଙ୍କୁ ବନ୍ଦ କରିଥିଲେ । ବ୍ୟବସାୟୀ ବିନୟ ସାହୁଙ୍କ ଅନୁପସ୍ଥିତିରେ ଏହି ହୋଇଛି ଲୁଟ । ପରେ ଘରର ସମସ୍ତ ଆସବାବପତ୍ର ଓ ଲକର ଖୋଲି ଲୁଟି ନେଇଥିଲେ ଟଙ୍କା ଓ ସୁନା, ରୂପା ଗହଣା । ପାଖାପାଖି ନଗଦ 7 ଲକ୍ଷ ଟଙ୍କା ସହ 15 ଲକ୍ଷ ଟଙ୍କାର ସୁନାଗହଣା ଲୁଟି ନେଇଛନ୍ତି ଦୁର୍ବୃତ୍ତ ।
ଏହା ବି ପଢନ୍ତୁ...ପୋଲିସ କ୍ବାଟରରେ କଳାକନା ବୁଲାଇଲେ ଚୋର, ଲୁଟି ନେଲେ ୫ ଲକ୍ଷର ଗହଣା
ଏ ସମ୍ପର୍କରେ ପରିବାର ଲୋକ ପରଜଙ୍ଗ ଥାନାରେ ଅଭିଯୋଗ କରିଛନ୍ତି । ଘଟଣାସ୍ଥଳରେ ପରଜଙ୍ଗ ପୋଲିସ ଟିମ ଓ ଡଗ୍ ସ୍କ୍ବାର୍ଡ ଜରିଆରେ ତଦନ୍ତ ଜାରି ରହିଛି । ତେବେ ବ୍ୟବସାୟୀ ବିନୟ କୁମାର ସାହୁ ଘରେ ନଥିବା ବେଳେ ଏହି ଚୋରି ହୋଇଛି । ତାଙ୍କ ଅନୁପସ୍ଥିତି ନେଇ ଖବର ପାଇ ଦୁର୍ବୃତ୍ତ ଯୋଜନା କରୁଥିବା ସନ୍ଦେହ କରାଯାଉଛି । ବିନୟ ନଥିବା ସମୟରେ ଦୁର୍ବୃତ୍ତ ତାଙ୍କ ଯୋଜନା ମୁତାବକ ଲୁଟ କରିଛନ୍ତି । ପାର୍ବଣରେ ଡକାୟତି ଲୁଟ ବଢିବାକୁ ଲାଗିଛି । ପ୍ରକାଶ ଥାଉ କି, ରାଜଧାନୀ ବରମୁଣ୍ଡା ବସଷ୍ଟାଣ୍ଡକୁ ଲାଗି ରହିଥିବା ଟେଲକୋ କଲୋନି ପୋଲିସ କ୍ବାର୍ଟରରେ କଳାକନା ବୁଲାଇବାକୁ ପଛାଇ ନାହାନ୍ତି ଦୁର୍ବୃତ୍ତ । ହାବିଲଦାର ଅସିତ ମହାନ୍ତିଙ୍କ କ୍ବାଟରରୁ 5 ଲକ୍ଷ ଟଙ୍କାର ଗହଣା ଚୋରି ହୋଇଛି ।
ଇଟିଭି ଭାରତ, ଢେଙ୍କାନାଳ
