ଢେଙ୍କାନାଳ: କେନାଲରୁ ବ୍ୟକ୍ତିଙ୍କ ମୃତଦେହ ଉଦ୍ଧାର । ଢେଙ୍କାନାଳ ଜିଲ୍ଲା ମୋଟଙ୍ଗା ଗ୍ରାମ ଲିଙ୍ଗରା କେନାଲରୁ ଗୁରୁବାର ଜଣେ ବ୍ୟକ୍ତିଙ୍କ ମୃତଦେହ ଉଦ୍ଧାର କରାଯାଇଛି । ମୃତ ବ୍ୟକ୍ତି ଜଣଙ୍କ ଢେଙ୍କାନାଳ ଜିଲ୍ଲା ବାଲିମୀ ଥାନା ଅନ୍ତର୍ଗତ ନିମବାହାଳି ଗ୍ରାମର ଗୁରୁଚରଣ ପଟ୍ଟନାୟକ ବୋଲି ଜଣାପଡିଛି।
ଭିଡିଓ ସୌଜନ୍ୟ;ସମ୍ବାଦଦାତା, ଢେଙ୍କାନାଳ
ସୂଚନା ଅନୁଯାୟୀ, ଗତ ୧୨ ତାରିଖରୁ ଗୁରୁଚରଣ ଘରୁ ବାହାରକୁ ଯାଇ ଆଉ ଫେରିନଥିଲେ। ପରିବାର ଲୋକେ ବହୁ ଖୋଜାଖୋଜି ପରେ ତାଙ୍କୁ ନପାଇବାରୁ ଶେଷରେ ବାଲିମୀ ଥାନାରେ ଏନେଇ ଏକ ଏତଲା ଦେଇଥିଲେ ।
ତେବେ ଗୁରୁବାର ଲିଙ୍ଗରା କେନାଲରେ ଗୁରୁଚରଣଙ୍କ ମୃତଦେହ ପାଣିରେ ଭାସୁଥିବା ଲୋକମାନେ ଦେଖିଥିଲେ । ଏହାପରେ ବାଲିମୀ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଗୁରୁଚରଣଙ୍କ ମୃତଦେହକୁ ଉଦ୍ଧାର କରି ବ୍ୟବଛେଦ ପାଇଁ ଢେଙ୍କାନାଳ ମୁଖ୍ୟ ଡାକ୍ତରଖାନାକୁ ପଠାଇଛନ୍ତି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
