ଢେଙ୍କାନାଳ: ପୁଣି ଢେଙ୍କାନାଳରେ ହାତୀ ଉପଦ୍ରବ । ଢେଙ୍କାନାଳ ସଦରଥାନା ଅନ୍ତର୍ଗତ ପଶାସିଂହ ଅଞ୍ଚଳରେ ଦନ୍ତାହାତୀ ଆକ୍ରମଣରେ ଜଣଙ୍କ ମୃତ୍ୟୁ ଘଟିଛି ।
ଦନ୍ତାହାତୀ ଆକ୍ରମଣରେ ଜଣେ ବ୍ୟକ୍ତିଙ୍କ ମୃତ୍ୟୁ
ସୂଚନା ଅନୁଯାୟୀ, ଗତ କିଛି ଦିନ ଧରି ଏହି ବ୍ୟକ୍ତି ଜଣକ ସେହି ଗାଁରେ ବୁଲୁଥିଲେ। ଏହି ଅଞ୍ଚଳରେ ବାରମ୍ବାର ଦନ୍ତାହାତୀ ଆକ୍ରମଣ ଦେଖାଯାଉଥିବା ବେଳେ ସୋମବାର ଏହି ବ୍ୟକ୍ତିଙ୍କ ଦନ୍ତାହାତୀ ଆକ୍ରମଣରେ ମୃତ୍ୟୁ ଘଟିଥିବା ଜଣାପଡିଛି ।
ଖବର ଘଟଣାସ୍ଥଳରେ ସଦର ବନ କର୍ମଚାରୀ ପହଞ୍ଚି ମୃତଦେହ ଉଦ୍ଧାର କରି ବ୍ୟବଛେଦ ପାଇଁ ପଠାଇଛନ୍ତି। ଏପଟେ ମୃତକଙ୍କ ପରିଚୟ ମିଳିପାରିନାହିଁ। ମୃତକ ଜଣଙ୍କ ଜଣେ ମାନସିକ ବିକାରଗ୍ରସ୍ତ ବୋଲି ସୂଚନା ମିଳିଛି।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
