ଢେଙ୍କାନାଳ: ପଥର ଖାଦାନ ଉପରେ ଚଢାଉ । ଢେଙ୍କାନଳ ଜିଲ୍ଲା କାମାକ୍ଷାନଗର ପୋଲିସ ପକ୍ଷରୁ ବେଆଇନ ଭାବେ ଚାଲୁଥିବା ମାଙ୍କଡା ପଥର ଖାଦାନ ଉପରେ ଚଢ଼ାଉ ହୋଇଛି । ଚଢାଉରେ ପଥର ବୋଝେଇ ଟ୍ରକ ଜବତ କରିଛି ପୋଲିସ ।
ପଣ୍ଡ ହେଲା ଚୋରା ପଥର ଚାଲାଣ
ସୂଚନାଅନୁସାରେ,କାମାକ୍ଷାନଗର ତହସିଲ ଅଞ୍ଚଳରେ ତହସିଲ କର୍ମଚାରୀ ଓ ପଥର ମାଫିଆଙ୍କ ସଲାସୁତରାରେ ଟ୍ରିପ ଟ୍ରିପ ବେଆଇନ ପଥର ଚୋରାରେ ଚାଲାଣ କରାଯାଉଥିଲା । ଫଳରେ ସରକାରଙ୍କ ଲକ୍ଷ ଲକ୍ଷ ଟଙ୍କା ରାଜସ୍ବ ବାଟମାରଣା ହେଉଛି । ଏହି ଚୋରା କାରବାର ବିଷୟରେ ପୋଲିସ ବିଶେଷ ସୂତ୍ରରୁ ଖବର ପାଇଥିଲା ।
ଏହା ପରେ ତହସିଲ ଅଧୀନ ମର୍କଟା ପଥର ଖାଦାନ ଉପରେ ପୋଲିସ ଅଚାନକ ଚଢାଉ କରିଥିଲେ। ଚଢ଼ାଉରେ ଗୋଟିଏ ପାଓ୍ବାରଟିଲର ସହ ମାଙ୍କଡାପଥର ବୋଝେଇ ଟ୍ରାକ୍ଟର ଜବତ କରିଛି ପୋଲିସ । ଘଟଣାସ୍ଥଳରୁ ମାଫିଆମାନେ ଖସିଯିବାରେ ସକ୍ଷମ ହୋଇଥିବା ବେଳେ ଟ୍ରାକ୍ଟର ଓ ପାଓ୍ବାରଟିଲରକୁ ଜବତ କରି ଥାନାକୁ ଆଣି ଅଧିକ ତଦନ୍ତ ଜାରି ରଖିଛି ପୋଲିସ ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
