ଢେଙ୍କାନାଳ: ଜିଲ୍ଲାର କାମାକ୍ଷାନଗର ସୁନାଝରି ଜଙ୍ଗଲରୁ ଉଦ୍ଧାର ହୋଇଛି କାଦୁଆ ପଞ୍ଚାୟତର ସରପଞ୍ଚ ବିବେକାନନ୍ଦ ମହାଖୁଡୁଙ୍କ ମୃତଦେହ । ସେ ଗତ ୭ ତାରିଖରୁ ନିଖୋଜ ଥିବା ବେଳେ ଆଜି(ଶୁକ୍ରବାର) ତାଙ୍କର ମୃତଦେହକୁ ଜବତ କରାଯାଇଛି ।
ନିଖୋଜ ସରପଞ୍ଚଙ୍କ ଝୁଲନ୍ତା ମୃତଦେହ ଉଦ୍ଧାର
ସେ ନିଖୋଜ ହେବା ପରେ ପରିବର ପକ୍ଷରୁ ୮ ତାରିଖରେ କାମାକ୍ଷାନଗର ଥାନାରେ ଲିଖିତ ଅଭିଯୋଗ ହୋଇଥିଲା । ଆଜି ଗ୍ରାମର ଲୋକ ଶୌଚ ପାଇଁ ଯାଇଥିବା ବେଳେ ଏକ ଗଛରେ ଝୁଲନ୍ତା ଅବସ୍ଥାରେ ମୃତଦେହକୁ ଦେଖିବାକୁ ପାଇଥିଲେ। ଏହାପରେ ପୋଲିସ ଓ ପରିବାର ଲୋକଙ୍କୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହକୁ ଜବତ କରିବା ସହ ଅଧିକ ତଦନ୍ତ ଜାରି ରଖିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
