ଢେଙ୍କାନାଳ: ଜୀଅନ୍ତା ଜଳିଗଲେ ଯୁବତୀ । ରୋଷେଇ କରିବା ବେଳେ ଡ୍ରେସରେ ଲାଗିଗଲା ନିଆଁ । ଆଉ ଏହି ନିଆଁରେ ପୋଡିହୋଇ ଯୁବତୀ ଜଣଙ୍କ ଜୀବନ୍ତ ଦଗ୍ଧ ହୋଇଯାଇଛନ୍ତି । ଏପରି ଏକ ଦୁଃଖଦ ଘଟଣା ଘଟିଛି ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଅନ୍ତର୍ଗତ ବାମ ଗ୍ରାମରେ ।
ସୂଚନା ମୁତାବକ ସେହି ଗ୍ରାମର ଜଗବନ୍ଧୁ ମାହାନ୍ତଙ୍କ ଝିଅ ଲିପ୍ତିରେଖା ମାହାନ୍ତ ଘରେ କେହି ନଥିବା ସମୟରେ ଏକାକି ରୋଷେଇ କରୁଥଲେ । କାଠ ଚୁଲାରେ ରୋଷେଇ କରୁଥିବାବେଳେ ସେ ପିନ୍ଧିଥିବା ଡ୍ରେସରେ ନିଆଁ ଲାଗି ଯାଇଥିଲା । ଚିତ୍କାର ଶୁଣି ପଡ଼ୋଶୀ ପହଞ୍ଚି ତାଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ କାମାକ୍ଷାନଗର ଉପଖଣ୍ଡ ମେଡିକାଲରେ ଭର୍ତ୍ତି କରିଥିଲେ । ତେବେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।
ଇଟିଭି ଭାରତ, ଢେଙ୍କାନାଳ
