ଢେଙ୍କାନାଳ: ଲକଡାଉନ ଓ ସପ୍ତାହନ୍ତ ସଟଡାଉନ ସମୟରେ ଢେଙ୍କାନାଳ ଜିଲ୍ଲା ସୁରପ୍ରତାପପୁର ନିକଟ ଏକ ଢ଼ାବାରେ ଚାଲିଥିଲା ମଦ ବେପାର । ଏନେଇ ଖବର ପାଇ ଢେଙ୍କାନାଳ ଅବକାରୀ ସ୍କ୍ବାଡ ଚଢ଼ାଉ କରି ବିପୁଳ ପରିମାଣର ମଦ ସହ ଦୁଇ ଜଣଙ୍କୁ ଗିରଫ କଲା କାମାକ୍ଷାନଗର ଅବକାରୀ ବିଭାଗ ।
ଢାବାରୁ ବିପୁଳ ପରିମାଣର ବିଦେଶୀ ମଦ ଜବତ , ଦୁଇ ଗିରଫ
ଗିରଫ ବ୍ୟକ୍ତି ଜଣଙ୍କ ହେଲେ ଭୁବନ ଥାନା ସୁରପ୍ରତାପ ପୁର ପଞ୍ଚାୟତ ବାମୁଆଁ ଗାଁ ର ଅବିନାଶ ଖିଲାର ଏବଂ ତାଙ୍କ ସହଯୋଗୀ । ବିପୁଳ ପରିମାଣର ମଦ ଜବତ ହୋଇଥିବା ବେଳେ ଆନୁମାନିକ ମୂଲ୍ୟ ୫୦ ହଜାର ଟଙ୍କାରୁ ଉର୍ଦ୍ଧ ବୋଲି ଅବକାରୀ ବିଭାଗ ସୂଚନା ଦେଇଛି । ତେବେ ଅବିନାଶ ନିଜ ଘରେ ଏବଂ ନିଜ ଢ଼ାବାରେ ମଦ ରଖି ଖୁଲମ ଖୁଲା ବ୍ୟବସାୟ କରୁଥିଲା ।
ଏନେଇ ଅବକାରି ବିଭାଗ ବିଶେଷ ସୂତ୍ରରୁ ଖବର ପାଇ ସନ୍ଧାନ ଜାରି ରଖିଥିଲା । ଆଜି ଅବକାରୀ ବିଭାଗର ଏକ ଟିମ ଚଢାଉ କରି ଢ଼ାବା ଏବଂ ତାଙ୍କ ଘରୁ ବିପୁଳ ପରିମାଣର ମଦ ସହ ଦୁଇ ଜଣଙ୍କୁ ଗିରଫ କରି କୋର୍ଟଚାଲାଣ କରିଛି ।
ଢେଙ୍କାନାଳରୁ ଉର୍ମିଲା ପାତ୍ର, ଇଟିଭି ଭାରତ
