ଢେଙ୍କାନାଳ: ଢେଙ୍କାନାଳ ଜିଲ୍ଲା ଭୁବନ ବ୍ଲକ ଅନ୍ତର୍ଗତ କୁମୁର୍ଶିଙ୍ଗା ଗ୍ରାମ ନିକଟ ଜଙ୍ଗଲରେ ଲାଗିଛି ନିଆଁ । ଏହି ନିଆଁ ଭୟରେ ଅଛନ୍ତି ଦେହୁରୀ ସାହିର ପଚିଶ ପରିବାର । କେହି ଦୁର୍ବୃତ୍ତ ନିଆଁ ଲଗାଇ ଚମ୍ପଟ ମାରିଥିବା ଅନୁମାନ କରାଯାଉଛି ।
ଜଙ୍ଗଲରେ ନିଆଁ, ୧୫୦ ଏକର ସଂରକ୍ଷିତ ଜଙ୍ଗଲ ଜଳି ପାଉଁଶ
ନିଆଁର ପ୍ରଖର ଅଧିକ ଥିବାରୁ ଭୁବନ ଅଗ୍ନିଶମ ବିଭାଗକୁ ଖବର ଦିଆ ଯାଇଥିଲା । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ କିନ୍ତୁ, ବିଫଳ ହୋଇଥିଲେ । ଜଙ୍ଗଲର ପୂର୍ବ ପଟରେ ଦେହୁରୀ ସାହି ଥିବାରୁ ଲୋକମାନେ ଆତଙ୍କିତ ଅଛନ୍ତି । ତେଣୁ, ଅଗ୍ନିଶମ ବିଭାଗ ଓ ବନବିଭାଗ ଦେହୁରୀ ସାହି ନିକଟରେ ନିଆଁକୁ ଆୟତ୍ତ କରିବାରେ ଲାଗିପଡିଛନ୍ତି । ଏହି ନିଆଁରେ ଦେଢ ଶହ ଏକର ଜଙ୍ଗଲ ଜଳି ପାଉଁଶ ହୋଇଯାଇଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
