ଢେଙ୍କାନାଳ: ସହରର ଗଣେଶ ବଜାର ପୋଷ୍ଟ ଅଫିସ ଗଳିରେ ଏକ ତିନି ମହଲା କୋଠାରେ ନିଆଁ ଲାଗି ଲକ୍ଷାଧିକ ଟଙ୍କାର ଆସବାବପତ୍ର ଜଳି ପାଉଁଶ ହୋଇଯାଇଥିବା ଖବର ସାମ୍ନାକୁ ଆସିଛି । ଖବର ପାଇ ସ୍ଥାନୀୟ ଢେଙ୍କାନାଳ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ କରିଥିଲେ ମଧ୍ୟ ଏହି କୋଠାରେ ଥିବା ସମସ୍ତ ଆସବାବପତ୍ରକୁ ଉଦ୍ଧାର କରିବା ସମ୍ଭବ ହୋଇନଥିଲା । ତେବେ ନିଆଁ ଲାଗିବାର ପ୍ରକୃତ କାରଣ ଏଯାଏ ସ୍ପଷ୍ଟ ହୋଇ ପାରିନାହିଁ । ଠାକୁର ଘର ଦିପରୁ ନିଆଁ ଲାଗିଥିବା ପ୍ରାଥମିକ ଭାବେ ସନ୍ଦେହ କରାଯାଉଛି ।
3 ମହଲା କୋଠାରେ ନିଆଁ , ଜଳିଗଲା ଲକ୍ଷାଧିକ ଟଙ୍କାର ଆସବାବପତ୍ର
ମିଳିଥିବା ସୂଚନା ଅନୁସାରେ ଘର ଭିତରୁ ଧୁଆଁ ବାହାରୁଥିବା ଦେଖିବାକୁ ମିଳିବା ପରେ ଦମକଳ କେନ୍ଦ୍ରକୁ ଖବର ଦେଇଥିଲେ ସ୍ଥାନୀୟ ବାସିନ୍ଦା । ଖବର ପାଇ ସ୍ଥାନୀୟ ଦମକଳ ବାହିନୀ ନିଆଁକୁ ଆୟତ କରିଥିଲା । ନିଆଁକୁ ଦେଖି ଆଖପାଖ ଲୋକ ଭୟଭୀତ ହୋଇଯାଇଥିଲେ।
ଢେଙ୍କାନାଳରୁ ଉର୍ମଳା ପାତ୍ରଙ୍କ ରିପୋର୍ଟ, ଇଟଭି ଭାରତ
