ଢେଙ୍କାନାଳ: ପୁଅର ଥିଲା ପ୍ରଥମ ଜନ୍ମଦିନ । ଜନ୍ମଦିନ ପାଳିବା ପାଇଁ ହସଖୁସିରେ ଚାହିଁ ରହିଥିଲା ମା’ । ହେଲେ ବିଧିର ବିଧାନ ଥିଲା କିଛି ଅଲଗା । ପୁଅର ପ୍ରଥମ ଜନ୍ମଦିନ ପାଳିବା ଆଗରୁ ଆର ପାରିକୁ ଚାଲିଗଲା ମା’ । ଏଭଳି ଦୁଃଖଦ ଘଟଣା ଘଟିଛି ଢେଙ୍କାନାଳ ଜିଲ୍ଲାର ପାଟଲା ଗାଁରେ ।
ମୃତ ମହିଳା ହେଲେ ମିନତୀ ଖୁଣ୍ଟିଆ । ଗୁରୁବାର ତାଙ୍କ ମୃତଦେହ ରଶିରେ ଝୁଲୁଥିବା ଦେଖିବାକୁ ମିଳିଛି । ଏପଟେ ଘଟଣା ପରେ ଘରେ କେହି ନଥିବା ଏହି ଘଟଣାକୁ ସନ୍ଦେହ ଘେରକୁ ଟାଣି ଆଣିଛି । ମହିଳାଙ୍କୁ ହତ୍ୟା ପରେ ଝୁଲାଇ ଦେଇ ଶଶ୍ବୁର ଘର ଲୋକେ ଫେରାର ହୋଇଯାଇଥିବା ଥାନାରେ ଅଭିଯୋଗ ହୋଇଛି ।
ଘଟଣା ଅନୁସାରେ, ଗତ ୨୦୧୮ ମସିହାରେ ସନ୍ତୋଷ ଖୁଣ୍ଟିଆଙ୍କୁ ବିବାହ କରିଥିଲେ ମିନତୀ । ତାଙ୍କର ଗୋଟିଏ ପୁଅ ମଧ୍ୟ ଅଛି । ଆଜି ପୁଅର ଥିଲା ପ୍ରଥମ ଜନ୍ମଦିନ । ତେବେ ଗୁରୁବାର ସକାଳେ ତାଙ୍କ ମୃତଦେହ ରଶିରେ ଝୁଲୁଥିବା ଦେଖିବାକୁ ମିଳିଥିଲା ।
ଖବର ପାଇ ବାଲିମୀ ପୁଲିସ ପହଞ୍ଚି ମୃତଦେହକୁ ଜବତ କରି ତଦନ୍ତ ଆରମ୍ଭ କରିଛି । ତେବେ ବିବାହ ପରେ ସ୍ବାମୀ ଓ ଶାଶୂଘର ଲୋକେ ମିନତୀକୁ ଯୌତୁକ ପାଇଁ ନିର୍ଯ୍ୟାତନା ଦେଉଥିଲେ ବୋଲି ବାପଘର ପକ୍ଷରୁ ଅଭିଯୋଗ ହୋଇଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
