ଢେଙ୍କାନାଳ: ବିଗତ କିଛିଦିନ ହେବ ହାତୀ ମୃତ୍ୟୁ ଘଟଣା ଲଗାତାର ସାମ୍ନାକୁ ଆସିଛି । ଏବେ ପୁଣି ଢେଙ୍କାନାଳ ଜିଲ୍ଲା ହିନ୍ଦୋଳ ବନାଞ୍ଚଳ ବେଡ଼ାପଡା ଗ୍ରାମ ନିକଟରୁ ମାଈ ହାତୀର ମୃତ ଦେହ ଉଦ୍ଧାର କରାଯାଇଛି । ବେଡ଼ପଡା ଗ୍ରାମର ଯମୁନା ବନ୍ଧ ନିକଟରେ ଏହି ହାତୀଟି ମାରି ପଡିଥିବା ଦେଖିବାକୁ ମିଳିଛି ।
ହାତୀଟିର ବୟସ ପ୍ରାୟ 5 ରୁ 6ବର୍ଷ ହେବ ବୋଲି ଅନୁମାନ କରାଯାଇଛି । ସୋମବାର ସନ୍ଧ୍ୟାରେ ଖବର ପାଇ ହିନ୍ଦୋଳ ବନକର୍ମଚାରୀମନେ ପହଞ୍ଚି ମୃତଦେହ ଜବତ କରିଛନ୍ତି । ହାତୀଟି ଦଶ ପନ୍ଦର ଦିନ ଧରି ଅସୁସ୍ଥ ଥିବା ଜଣାପଡିଛି । ଅସୁସ୍ଥତା କାରଣରୁ ହାତୀଟିର ମୃତ୍ୟୁ ହୋଇଥିବା ଅନୁମନ କରାଯାଉଛି । ତେବେ ବନ ବିଭାଗ ପକ୍ଷରୁ ତଦନ୍ତ ଆରମ୍ଭ ହୋଇଥିବା ଜଣାପଡିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
