ଢେଙ୍କାନାଳ: ଆନ୍ଦୋଳନକୁ ଓହ୍ଲାଇଲେ ଢେଙ୍କାନାଳ ବିଦ୍ୟୁତ କର୍ମଚାରୀ । ବିଦ୍ୟୁତ କର୍ମଚାରୀଙ୍କୁ ମାଡ଼ ମରାଯିବା ପ୍ରତିବାଦରେ ଗତକାଲି ଟିପିସିଓଡିଏଲ ଜିଲ୍ଲା ପରିଚାଳକଙ୍କ କାର୍ଯ୍ୟାଳୟ ତାଲା ପକାଇ କାର୍ଯ୍ୟ ବନ୍ଦ କରି ଆନ୍ଦୋଳନକୁ ଓହ୍ଲାଇଥିଲେ ବିଦ୍ୟୁତ କର୍ମଚାରୀ ।
ବିଦ୍ୟୁତ କର୍ମଚାରୀଙ୍କୁ ମାଡ଼ ମରାଯିବା ପ୍ରତିବାଦରେ କାର୍ଯ୍ୟବନ୍ଦ ଆନ୍ଦୋଳନ
ଏପରିକି ବିଦ୍ୟୁତ୍ କର୍ମଚାରୀ ମାନେ କାର୍ଯ୍ୟବନ୍ଦ କରି ଜିଲ୍ଲା ନିର୍ବାହୀ ଯନ୍ତ୍ରୀ ତଥା ଜିଲ୍ଲା ପରିଚାଳକଙ୍କ କାର୍ଯ୍ୟାଳୟ ସମ୍ମୁଖରେ ମୁଖ୍ୟ ଫାଟକରେ ତାଲା ପକାଇ ଗଣଧାରଣା ଦେଇଥିଲେ । ବିଦ୍ୟୁତ ଚୋରି ରୋକିବାପାଇଁ ଗଠିତ ସ୍ପେଶାଲ ସ୍କ୍ୱାର୍ଡର ଦୁଇକର୍ମଚାରୀଙ୍କୁ କାର୍ଯ୍ୟରତ ସମୟରେ ଗାଳିଗୁଲଜ ଓ ମାଡ଼ମାରିଥିବା ଆଭିଯୋଗ ଆଣି ଏଥିରେ ସମ୍ପୃକ୍ତ ଥିବା ଅଭିଯୁକ୍ତଙ୍କୁ ତୁରନ୍ତ ଗିରଫ କରିବାକୁ ଦାବି କରିଥିଲେ ବିଦ୍ୟୁତ କର୍ମଚାରୀ ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
