ଢେଙ୍କାନାଳ: ରାଜ୍ୟରେ ହୁ ହୁ ହୋଇ ବଢୁଛି କୋରୋନା ସଂକ୍ରମିତଙ୍କ ସଂଖ୍ୟା । ଏଥିସହ ତାଳ ଦେଇ ଢେଙ୍କାନାଳ ଜିଲ୍ଲାର ଭୁବନ ସହରରେ ମଧ୍ୟ ବଢୁଛି ପଜିଟିଭଙ୍କ ସଂଖ୍ୟା । ସଂକ୍ରମିତଙ୍କ ମଧ୍ୟରେ ଅଧିକାଂଶ ସ୍ଥାନୀୟ ସଂକ୍ରମଣର ଶିକାର ହୋଇଛନ୍ତି । ଏହାକୁ ଦୃଷ୍ଟିରେ ରଖି ପୂର୍ବରୁ ଭୁବନକୁ 5 ଦିନ ପାଇଁ ସଟଡାଉନ କରାଯାଇଥିଲା । କିନ୍ତୁ ସୋମବାର ୮୯ ଜଣଙ୍କ ରିପୋର୍ଟ ପଜିଟିଭ ଆସିବା ପରେ ପ୍ରଶାସନର ଚିନ୍ତାକୁ ଦ୍ବିଗୁଣିତ କରିଛି ।
କୋରୋନା ପଜିଟିଭ ଚିହ୍ନଟ ପରେ 72 ଘଣ୍ଟା ପାଇଁ ସଟଡାଉନ ଭୁବନ ଏନଏସି
ଏହି କ୍ରମରେ ମଙ୍ଗଳବାରଠୁ ଗୁରୁବାର ପର୍ଯ୍ୟନ୍ତ ୭୨ ଘଣ୍ଟା ପାଇଁ ଭୁବନ ଏନଏସିକୁ ସଟଡାଉନ ଘୋଷଣା କରିଛନ୍ତି ଢେଙ୍କାନାଳ ଜିଲ୍ଲାପାଳ ଭୁମେଶ ଚନ୍ଦ୍ର ବେହେରା । ଏହି ସମୟରେ ଅତ୍ୟାବଶ୍ୟକୀୟ ସେବା ଯଥା, ଔଷଧ ଦୋକାନ, ଜଳ ଯୋଗାଣ ଓ ଆମ୍ବୁଲାନ୍ସ ସେବା ଗୁଡିକ ଖୋଲା ରହିବ । ନିୟମ ଉଲ୍ଲଂଘନକାରୀଙ୍କ ବିରୁଦ୍ଧରେ ଦୃଢ କାର୍ଯ୍ୟନୁଷ୍ଠାନ ନିଆଯିବ ବୋଲି ସୂଚନା ମିଳିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
