ଢେଙ୍କାନାଳ: ରାଜ୍ୟରେ ଦୃତ ଗତିରେ ବଢିବାରେ ଲାଗିଛି କୋରୋନା ଆକ୍ରାନ୍ତଙ୍କ ସଂଖ୍ୟା । ଏପଟେ ଢେଙ୍କାନାଳ ଜିଲ୍ଲାରେ ବୁଧବାର 70 ଜଣ କୋରୋନା ପଜିଟିଭ୍ ଚିହ୍ନଟ ସହ ମୋଟ ଆକ୍ରାନ୍ତ ୩୨୪୫କୁ ବୃଦ୍ଧି ପାଇଛି । ଏମାନଙ୍କ ମଧ୍ୟରୁ ୪୫ଜଣ ହୋମକ୍ବାରେଣ୍ଟାଇନରୁ,୧୦ ସ୍ଥାନୀୟ ସଂକ୍ରମିତ, କଟକ ଓ ଭୁବନେଶ୍ବରରୁ ୧୫ ଜଣ ଚିହ୍ନଟ କରାଯାଇଛି। ଢେଙ୍କାନାଳ ମୁନିସପାଲଟିରୁ ୧୫ ଜଣ ଚିହ୍ନଟ ହୋଇଥିବାବେଳେ ସେଥି ମଧ୍ୟରୁ ସଦରଥାନାରୁ ୨ଜଣ ପୋଲିସ କର୍ମଚାରୀ ପଜିଟିଭ ଚିହ୍ନଟ ହୋଇଛନ୍ତି। ଏହି ଆକ୍ରାନ୍ତଙ୍କ ମଧ୍ୟରୁ କେବଳ କଙ୍କଡାହାଡ ବ୍ଳକରୁ ୩ , ଗଦିଁଆ ୫, କାମାକ୍ଷାନଗରରୁ ୪, ଓଡାପଡା ୨୩, ଭୁବନ ଓ ସଦରରୁ ୨ ଜଣ ଲେଖାଏଁ, କାମାକ୍ଷାନଗର ଏନଏସିରୁ ଜଣେ ଚିହ୍ନଟ ହୋଇଛନ୍ତି।
ସମସ୍ତଙ୍କୁ ଢେଙ୍କାନାଳ କୋଭିଡ ହସ୍ପିଟାଲରେ ଚିକିତ୍ସା ନିମନ୍ତେ ଭର୍ତ୍ତି କରାଯାଇଛି । ସେମାନେ ରହୁଥିବା ଗୃହ ଓ ସଂଲଗ୍ନ ଅଞ୍ଚଳକୁ ବିଶୋଧନ କରାଯାଇଛି । ସେପଟେ ଚିକିତ୍ସା ପରେ ୧୭ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ଏବେ ସୁଧା ଜିଲ୍ଲାରେ ୩୨୪୫ ଜଣ ପଜିଟିଭ ଚିହ୍ନଟ ହୋଇଥିବା ବେଳେ ସେଥି ମଧ୍ୟରୁ ୨୬୨୩ ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି । ଏବଂ 619ଟି ସକ୍ରିୟ ମାମଲା ରହିଛି ।
ତେବେ ଜିଲ୍ଲାରେ ଆଉ ଜଣେ ବ୍ୟକ୍ତିଙ୍କର କୋରୋନା ମୃତ୍ୟୁ ଘଟିଛି । ଫଳରେ ଜିଲ୍ଲାରେ କୋରୋନା ଜନିତ ମୃତ୍ୟୁ ସଂଖ୍ୟା ୩ରେ ପହଞ୍ଚିଛି।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
