ଢେଙ୍କାନାଳ: ରାଜ୍ୟରେ ଆଜିଠୁ ଖୋଲିଛି ଅଷ୍ଟମରୁ ଦ୍ବାଦଶ ଶ୍ରେଣୀ ପର୍ଯ୍ୟନ୍ତ ଶିକ୍ଷାନୁଷ୍ଠାନ । ବହି ବସ୍ତାନୀ ଧରି ସ୍କୁଲରେ ପହଞ୍ଚିଛନ୍ତି ଛାତ୍ରଛାତ୍ରୀ । ଏହି କ୍ରମରେ ଢେଙ୍କାନାଳ ଜିଲ୍ଲାରେ ୭ଟି ଆଦର୍ଶ ସ୍କୁଲ ସମେତ ମୋଟ ୨୮୪ଟି ସ୍କୁଲରେ ପାଠପଢା ଆରମ୍ଭ ହୋଇଛି ।
କୋଭିଡ କଟକଣାରେ ଖୋଲିଲା ଶିକ୍ଷାନୁଷ୍ଠାନ : ଶ୍ରେଣୀ ଗୃହରେ ପାଠପଢା ଆରମ୍ଭ
ଏହାବି ପଢନ୍ତୁ : ଖୋଲିଲା ଶିକ୍ଷାନୁଷ୍ଠାନ: ସ୍କୁଲ ବୁଲିଲେ, ସ୍ଥିତି ପରଖିଲେ ଗଣଶିକ୍ଷା ମନ୍ତ୍ରୀ
ଏଥିପାଇଁ ଶିକ୍ଷା ବିଭାଗର ନିର୍ଦ୍ଦେଶ ମୁତାବକ ପିଲାମାନେ ସ୍କୁଲ ଆସିବା ପୂର୍ବରୁ ବିଦ୍ୟାଳୟ ଗୁଡିକୁ ସାନିଟାଇଜ କରାଯାଇଥିଲା । ଏହାସହ ବିଦ୍ୟାଳୟରେ ପ୍ରବେଶ ପୂର୍ବରୁ ଛାତ୍ରଛାତ୍ରୀଙ୍କୁ ସାନଇଟାଇଜ କରିବା ସହ ଥର୍ମାଲ ସ୍କ୍ରିନିଂ କରାଯାଇଛି । ଅଫଲାଇନ ପାଠପଢା ଆରମ୍ଭ କରାଯାଇଥିବାରୁ ଛାତ୍ରଛାତ୍ରୀଙ୍କ ମହଲରେ ବେଶ ଉତ୍ସାହ ଦେଖିବାକୁ ମିଳିଥିଲା ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
