ଢେଙ୍କାନାଳ: ଜିଲ୍ଲାର ପରଜଙ୍ଗ ଥାନା ଅନ୍ତର୍ଗତଭାଲୁ ମୁଣ୍ଡା - ଆଲୋଝରଣ ପୂର୍ତ୍ତ ବିଭାଗ ରାସ୍ତାର ମହୁଲାଛକ ନିକଟରେ ଏକ ବାଇକକୁ ସ୍କର୍ପିଓ ଧକ୍କା ଦେଇଛି । ଫଳରେ ମୋଟର ସାଇକେଲ ଯାଉଥିବା ତିନି ଜଣ ଗୁରୁତର ଆହତ ହୋଇ ଥିବା ଜଣାପଡିଛି ।
ଗୁରୁତର ତିନି ଜଣ ହେଲେ ପରଜଙ୍ଗ ଥାନା ସାଆନ୍ଦା ଫାଣ୍ଡି ଅଧିନସ୍ତ କୁମୁସି ଗ୍ରାମର ସୌମ୍ୟରଞ୍ଜନ ପଣ୍ଡା ଓ ତାଙ୍କ ଖୁଡୀ ଉମା ପାଣି ଓ ଝିଅ ଶ୍ରୀୟା ପାଣି । ସୌମ୍ୟରଞ୍ଜନ ଏକ ବାଇକ ଯୋଗେ ନିଜ ଘରୁ ମନ୍ଦିର ଦର୍ଶନ ପାଇଁ ଯାଉଥିବା ବେଳେ ଏହି ଦୁର୍ଘଟଣା ଘଟିଥିଲା । ଗୁରୁତର ଅବସ୍ଥାରେ ତାଙ୍କୁ 108 ଆମ୍ବୁଲାନ୍ସ ଯୋଗେ ତାଳଚେର ମଣ୍ଡାପାଳ ମେଡ଼ିକାଲରେ ଭର୍ତ୍ତି କରାଯାଇଥିଲା । ତେବେ ତାଙ୍କର ଅବସ୍ଥା ସଙ୍କଟାପନ୍ନ ଥିବାରୁ ତାଙ୍କୁ ଅନୁଗୋଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି ।
ତେବେ ଏହି ଦୁର୍ଘଟଣାରେ ଆହତଙ୍କୁ କ୍ଷତିପୂରଣ ଦାବିରେ ଘଟଣାସ୍ଥଳରେ କୁମୁସି ଗାଁ ଲୋକ ଉକ୍ତ ରାସ୍ତାକୁ ଅବରୋଧ କରିଥିଲେ । ରାସ୍ତାରେ ଟାୟାର ଜାଳି ପ୍ରାୟ ଏକ ଘଣ୍ଟାରୁ ଉର୍ଦ୍ଧ ସମୟ ଧରି ରାସ୍ତାରୋକ କରିଥିଲେ । ଖବର ପାଇ ପରଜଙ୍ଗ ଥାନା ଅଧିକାରୀ ଘଟଣାସ୍ଥଳରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ଅବରୋଧ ହଟିଥିଲା । ଦୁର୍ଘଟଣା ଘଟାଇ ଥିବା ସ୍କର୍ପିଓକୁ ପରଜଙ୍ଗ ପୋଲିସ ଜବତ କରିଥିବା ଜଣାପଡିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
