ଢେଙ୍କାନାଳ: ଶ୍ୱଶୁରଘର ଗାଁ ନିକଟସ୍ଥ ଏକ ବିଲରୁ ଯୁବକଙ୍କ ମୃତଦେହ ଉଦ୍ଧାର ହୋଇଛି । ଏହି ଘଟଣାରେ ଯୁବକଙ୍କ ପରିବାର ଲୋକ ଆଣିଲେ ହତ୍ୟା ଅଭିଯୋଗ । ଏପରି ଘଟଣା ଘଟିଛି ଢେଙ୍କାନାଳ ଜିଲ୍ଲା ପର୍ଜଙ୍ଗ ଥାନା ଖଇରପଶି ଗ୍ରାମରେ ।
ଶ୍ୱଶୁରଘର ଗାଁରୁ ଜ୍ୱାଇଁଙ୍କ ମୃତଦେହ ଉଦ୍ଧାର
ସୂଚନା ମୁତାବକ ମୃତ ଯୁବକ ଜଣକ ହେଉଛନ୍ତି ଅନୁଗୋଳ ଜିଲ୍ଲା ତାଳଚେର ଥାନା ହାଣ୍ଡି ଧୂଆର ମିଥୁନ ବେହେରା । ମିଥୁନ ଦୁଇ ବର୍ଷ ହେବ ତାଙ୍କ ଶ୍ୱଶୁରଘରେ ରହି ଆସୁଥିବାବେଳେ ଏକ ବିଲରୁ ତାଙ୍କ ମୃତଦେହ ଉଦ୍ଧାର ହୋଇଛି । ତେବେ ଦୁଇ ଦିନ ତଳୁ ପାରିବାରିକ ଝଗଡ଼ା ପାଇଁ ମିଥୁନ ନିଖୋଜ ଥିବା ତାଙ୍କ ପତ୍ନୀ ପର୍ଜଙ୍ଗ ଥାନାରେ ଅଭିଯୋଗ କରିଥିଲେ । ଶ୍ୱଶୁରଘର ଲୋକ ମିଶି ତାଙ୍କୁ ହତ୍ୟା କରିଥିବା ତାଙ୍କ ମାଆ ପର୍ଜଙ୍ଗ ଥାନାରେ ଲିଖିତ ଅଭିଯୋଗ କରିଛନ୍ତି । ଅଭିଯୋଗ ଆଧାରରେ ପୋଲିସ ମାମଲା ରୁଜୁ କରିବା ସହ ଘଟଣାସ୍ଥଳରେ ସାଇଣ୍ଟିଫିକ୍ ଟିମ ଅଧିକ ତଦନ୍ତ ଜାରି ରଖିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
