ଢେଙ୍କାନାଳ: ଜିଲ୍ଲାରେ କୋରୋନା ସଂକ୍ରମଣ ସ୍ଥିତି ଉଦବେଗଜନକ ହୋଇଥିବାବେଳେ ଆଜି (ଶନିବାର) ଜିଲ୍ଲାରେ ପୁଣି ୮୦ ଜଣ ପଜିଟିଭ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ସଂଗରୋଧ କେନ୍ଦ୍ରରୁ ଜଣେ, ହୋମକ୍ବାରେଣ୍ଟାଇନରୁ ୫୪ ଜଣ, ସ୍ଥାନୀୟ ସଂକ୍ରମିତ ୧୭, କଟକ ଓ ଭୁବନେଶ୍ବର ହସ୍ପିଟାଲରୁ ୮ ଜଣ ପଜିଟିଭ ଚିହ୍ନଟ କରାଯାଇଛି ।
ଏହି ନୂଆ ଆକ୍ରାନ୍ତଙ୍କ ମଧ୍ୟରୁ ଢେଙ୍କାନାଳ ପୌରାଞ୍ଚଳ, ସଦର ଓ ଭୁବନରୁ ୫ ଜଣ ଲେଖାଏଁ ଚିହ୍ନଟ ହୋଇଛନ୍ତି । ସେହିପରି କଙ୍କଡାହାଡ ଓ ଭୁବନ ଏନଏସିରୁ ଜଣେ ଲେଖାଏଁ, ଓଡପଡାରୁ ୨୨, ପରଜଙ୍ଗରୁ ୧୩, ହିନ୍ଦୋଳରୁ ୩, କାମାକ୍ଷାନଗରରୁ ୭, ଗଦିଁଆରୁ ୧୦ ଜଣ ଲେଖାଏଁ ଚିହ୍ନଟ ହୋଇଛନ୍ତି ।
ସମସ୍ତଙ୍କୁ ଜିଲ୍ଲାର ବିଭିନ୍ନ କୋଭିଡ ହସ୍ପିଟାଲକୁ ଚିକିତ୍ସା ପାଇଁ ପଠାଯାଇଛି । ସେପଟେ ୫୨ ଜଣ ଆକ୍ରାନ୍ତ ସୁସ୍ଥ ହୋଇ ଫେରିଥିବା ସୂଚନା ମିଳିଛି । ଏପର୍ଯ୍ୟନ୍ତ ଜିଲ୍ଲାରେ ୨୯୮୩ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେଥିରୁ ୨୪୫୦ ଜଣ ସୁସ୍ଥ ହୋଇ ସାରିଲେଣି । ତେବେ ୫୩୧ ଟି ମାମଲା ସକ୍ରିୟ ରହିଛି।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
