ଦେବଗଡ଼: ସାରା ଦେଶରେ କୋରୋନା ସଂକ୍ରମଣର ଦ୍ଵିତୀୟ ଲହରକୁ ଦୃଷ୍ଟିରେ ରଖି ସ୍ୱାସ୍ଥ୍ୟ ବିଭାଗ ପକ୍ଷରୁ ଟୀକାକରଣ କାର୍ଯ୍ୟକୁ ଅଧିକ ତ୍ବରାନ୍ବିତ କରାଯାଉଥିବାବେଳେ ଟୀକା ନେବା ପାଇଁ ଲୋକଙ୍କ ମଧ୍ୟରେ ପ୍ରବଳ ଉତ୍ସାହ ଓ ପ୍ରତିଯୋଗିତା ଯୋଗୁଁ ଟିକାକେନ୍ଦ୍ରରେ କୋଭିଡ ନିୟମ ଉଲଂଘନ ହେଉଥିବା ଦେଖାଯାଇଛି ।
ଟିକାକେନ୍ଦ୍ରରେ ଲୋକଙ୍କ ଲମ୍ବା ଲାଇନ, କୋଭିଡ ନିୟମକୁ ଫୁ
ସାମାଜିକ ଦୂରତ୍ୱ ବଜାୟ ରଖିବା ପାଇଁ ସ୍ୱାସ୍ଥ୍ୟ ବିଭାଗ ପକ୍ଷରୁ ଜନସାଧାରଣଙ୍କୁ ବାରମ୍ବାର ପରାମର୍ଶ ଦିଆଯାଉଥିଲେ ସୁଦ୍ଧା, ଟିକାକେନ୍ଦ୍ରରେ ଏହା କେବଳ ଏକ ପ୍ରହସନରେ ପରିଣତ ହୋଇଛି । ଲୋକଙ୍କ ଭିଡ଼ ନିୟନ୍ତ୍ରଣ କରିବାକୁ ପୋଲିସକୁ ଅନେକ ସମୟରେ ନାକେଦମ ହେବାକୁ ପଡୁଛି । ଯଦ୍ବାରା ଜିଲ୍ଲାରେ କୋରୋନା ସଂକ୍ରମଣ ଅଧିକ ବୃଦ୍ଧି ପାଇବାର ସମ୍ଭାବନା ଦେଖାଦେଇଛି ।
ଏଥିପ୍ରତି ଜିଲ୍ଲା ସ୍ୱାସ୍ଥ୍ୟ ବିଭାଗ ତଥା ସ୍ଥାନୀୟ ପ୍ରଶାସନ ଦୃଷ୍ଟି ଦେଇ ଟିକାକେନ୍ଦ୍ରରେ ଲୋକଙ୍କ ମଧ୍ୟରେ ଶୃଙ୍ଖଳା ରକ୍ଷା କରିବାକୁ ସଚେତନ ମହଲରେ ଦାବି ହେଉଛି ।
ଦେବଗଡ଼ରୁ ସରୋଜ ଶତପଥୀ, ଇଟିଭି ଭାରତ
