ଦେବଗଡ଼: ଏକ ନାଳରୁ ଅସୁସ୍ଥ ମାଇହାତୀକୁ ଉଦ୍ଧାର କଲା ଦେବଗଡ଼ ବନବିଭାଗ । ସୂଚନା ଅନୁଯାୟୀ, ଗତ ଦୁଇଦିନ ପୂର୍ବରୁ ଦେବଗଡ଼ ରେଞ୍ଜ କଂସର ସେକ୍ସନ ଅଧିନ ବିରିଆମ ଗାଁ ନିକଟ ନାଳରେ ଏକ ମାଇହାତୀ ଶୋଇଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ମାତ୍ର ହାତୀଟି ଚଳପ୍ରଚଳ କରି ପାରୁନଥିବା ଦେଖି ସ୍ଥାନୀୟ ଲୋକେ ଦେବଗଡ଼ ବନବିଭାଗକୁ ଖବର ଦେଇଥିଲେ ।
ଦେବଗଡ଼ ରେଞ୍ଜର ଏକ ନାଳରୁ ଅସୁସ୍ଥ ମାଇହାତୀ ଉଦ୍ଧାର
ଦେବଗଡ଼ ବନବିଭାଗ ଖବର ପାଇବା ପରେ ଡିଫଓ କ୍ଷମା ସଢଙ୍ଗୀ,ରେଞ୍ଜ ଅଫିସର ଦେବଦତ୍ତ ନନ୍ଦ, ସ୍ଥାନୀୟ ଫରେଷ୍ଟର ପ୍ରସନ୍ନ ସାହୁ ପ୍ରମୁଖ ଘଟଣା ସ୍ଥଳରେ ପହଞ୍ଚି ଅସୁସ୍ଥ ମାଇହାତୀର ଚିକିତ୍ସା ଆରମ୍ଭ କରିଛନ୍ତି । ତେବେ ବୟସାଧିକ କାରଣରୁ ମାଇହାତୀଟି ଅସୁସ୍ଥ ହୋଇ ଚଳପ୍ରଚଳ କରିପାରୁନଥିବା ପ୍ରାଥମିକ ଅନୁସନ୍ଧାନରୁ ଜଣାପଡିଥିବା ବେଳେ, ଅସୁସ୍ଥ ମାଈ ହାତୀଟିକୁ ସୁସ୍ଥ କରିବା ପାଇଁ ଯଥାସାଧ୍ୟ ଉଦ୍ୟମ ଜାରି ରଖିଛି ବନବିଭାଗ ।
ଦେବଗଡ଼ରୁ ସରୋଜ କୁମାର ଶତପଥୀ, ଇିଟିଭି ଭାରତ
