ଦେବଗଡ଼: ଆଜି ଦେବଗଡ଼ ସହର ନିକଟସ୍ଥ ଚିକିଣି ଘାଟି 53 ନମ୍ବର ଜାତୀୟ ରାଜପଥ କଡ଼ରେ ଏକ ସଦ୍ୟ ନବଜାତ ଶିଶୁକନ୍ୟା ପଡିଥିବା କୌଣସି ସୂତ୍ରରୁ ଖବର ପାଇ ଜିଲ୍ଲା ଶିଶୁ ସୁରକ୍ଷା ଅଧିକାରୀ ରୋମିଓ ମହାପାତ୍ର , ଚାଇଲଡ଼ ଲାଇନ କର୍ମକର୍ତ୍ତା ଉପେନ୍ଦ୍ର କୁମାର ଭଞ୍ଜ ଓ ରମାକାନ୍ତ ସାହୁ ଘଟଣା ସ୍ଥଳରେ ପହଞ୍ଚି ନବଜାତ ଶିଶୁକନ୍ୟାକୁ ଉଦ୍ଧାର କରିଥିଲେ ।
ଉଦ୍ଧାର ହୋଇଥିବା ଶିଶୁକନ୍ୟାକୁ ଦେବଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟ ଏସଏନସିୟୁ ୱାର୍ଡରେ ଭର୍ତ୍ତି କରାଯାଇ ସ୍ୱାସ୍ଥ୍ୟ ପରୀକ୍ଷା କରାଯାଇଛି । ଶିଶୁକନ୍ୟା ଟିର ସ୍ୱାସ୍ଥ୍ୟ ସ୍ଥିର ଥିବା ଜଣାଯାଇଛି । ଉଦ୍ଧାର ହୋଇଥିବା ନବଜାତ ଶିଶୁକନ୍ୟା କୁ କିଏ ରାସ୍ତାକଡ଼ରେ ଛାଡି ଚାଲିଯାଇଛି , ସେ ସମ୍ପର୍କରେ କୌଣସି ସୂଚନା ମିଳିପାରିନାହିଁ ।
ଦେବଗଡ଼ରୁ ସରୋଜ ଶତପଥି, ଇଟିଭି ଭାରତ
