କଟକ: ବିଡାନସୀ ଗ୍ରାଉଣ୍ଡରେ ଖେଳା ଯାଇଥିବା ବିଜୟ ମର୍ଚାଣ୍ଟ ଟ୍ରଫିର ଏକ ଗୁରୁତ୍ବପୂର୍ଣ୍ଣ ମ୍ୟାଚରେ ତ୍ରିପୁରାକୁ 79 ରନରେ ମାତ ଦେଇଛି ଓଡିଶା । ଏହି ବିଜୟ ପରେ ଏହି ଶୃଙ୍ଖଳାରେ 2ୟ ବିଜୟ ହାସଲ କରିଛି ଓଡିଶା ।
ଆଶୀର୍ବାଦ ସ୍ବାଇଁଙ୍କ 83 ରନ ବଳରେ ଓଡିଶା ପ୍ରଥମ ପାଳିରେ 219 ରନ ସଂଗ୍ରହ କରିଥିଲା । ଏହାର ଜବାବରେ ବିଜୟଲକ୍ଷ୍ୟର ପିଛା କରି ତ୍ରିପୁରା ମାତ୍ର 112 ରନରେ ଅଲଆଉଟ ହୋଇଯାଇଥିଲା । ତେବେ ଏହି ପାଳିରେ ଓଡିଶା ପକ୍ଷରୁ ଅଧିନାୟକ ଶ୍ରେଷ୍ଠ ସିଂ ସର୍ବାଧିକ 4ଟି ଓ୍ବିକେଟ ଅକ୍ତିଆର କରିଛନ୍ତି ।
ଦ୍ବିତୀୟ ପାଳିରେ ଓଡିଶା ମାତ୍ର 85 ରନ କରି ପାଳି ଘୋଷଣା କରିଥିଲା । ଦଳ ପକ୍ଷରୁ ଆଶ୍ରୀବାଦ 37 ରନ କରିଥିଲେ । ତେବେ 193 ରନର ଧାର୍ଯ୍ୟ ବିଜୟ ଲକ୍ଷ୍ୟକୁ ପିଛା କରି 113 ରନରେ ଅଲଆଉଟ ହୋଇଥିଲା ତ୍ରିପୁରା । 2ୟ ପାଳିରେ ମଧ୍ୟ ଅଧିନାୟକ ଶ୍ରେଷ୍ଠ 3ଟି ୱିକେଟ ହାସଲ କରିଥିଲେ ।
କଟକରୁ ପ୍ରଭୁକଲ୍ୟାଣ ପାଲ୍, ଇଟିଭି ଭାରତ
