କଟକ: ଦୁଇ ଲୁଟେରା ଗିରଫ। ଜଣେ ଶିକ୍ଷୟିତ୍ରୀଙ୍କ ଠାରୁ ସୁନା ଚେନ ଲୁଟ ଘଟଣାରେ ଜଗତପୁର ପୋଲିସ ଦୁଇ ଜଣଙ୍କୁ ଗିରଫ କରିଛି । ପୁରୀ ସଦର ଥାନା ଅଞ୍ଚଳର ସୁବାଷ ପ୍ରଧାନ ଓରଫ ମିଟୁ ଓ ଗଞ୍ଜାମ ଜିଲ୍ଲା ଳାଥିପଡ଼ା ଅଞ୍ଚଳର ବାବୁ ସ୍ବାଇଁ ।
ସୂଚନା ଅନୁଯାୟୀ ଗତ ୨୧ ତାରିଖ ମଧ୍ୟାହ୍ନ ସମୟରେ ନିମପୁରସ୍ଥିତ ସରସ୍ବତୀ ଶିଶୁ ବିଦ୍ୟା ମନ୍ଦିରରୁ ମାନସୀ ଦାସ ନାମକ ଜଣେ ଶିକ୍ଷୟିତ୍ରୀ ସ୍କୁଲରୁ ଫେରୁଥିବାବେଳେ ଲୁଟର ଶିକାର ହୋଇଥିଲେ । ଶିକ୍ଷୟିତ୍ରୀଙ୍କୁ ବ୍ୟାରେଜ୍ ରୋଡ଼ ପାର୍ଶ୍ବ ନିମପୁର ଠାରେ ବାଇକରେ ୨ ଜଣ ଅଜଣା ଵ୍ୟକ୍ତି ତାଙ୍କ ବେକରୁ ସୁନା ଚେନ ଲୁଟ କରି ଫେରାର୍ ହୋଇଯାଇଥିଲେ । ଏନେଇ ଶିକ୍ଷୟିତ୍ରୀ ଜଗତପୁର ଥାନାରେ ଅଭିଯୋଗ କରିଥିଲେ। ଘଟଣାର ତଦନ୍ତ କରି ଜଗତପୁର ପୋଲିସ ଅଭିଯୁକ୍ତକୁ ଗିରଫ କରିବା ସହ ସେମାନଙ୍କ ନିକଟରୁ ସୁନା ଚେନ, ବାଇକ ଓ ମୋବାଇଲ ପୋଲିସ ଜବତ କରିଛି।
କଟକରୁ ନାରାୟଣ ସାହୁ,ଇଟିଭି ଭାରତ
