କଟକ: ଗ୍ୟାଙ୍ଗଷ୍ଟାର ହାଇଦରର ଏନକାଉଣ୍ଟରରେ ହୋଇଛି ମୃତ୍ୟୁ । ଯାହାକୁ ନେଇ ଜାରି ରହିଛି କଳ୍ପନାଜଳ୍ପନା । ତେବେ କେଉଁ କାରଣରୁ ହେଲା ଏନକାଉଣ୍ଟର ତାହାର ସ୍ପଷ୍ଟତା ସର୍ବସାଧାରଣ ସାମ୍ନାକୁ ଆସୁ ବୋଲି କହିଛନ୍ତି ହାଇକୋର୍ଟ ଆଇନଜୀବୀ ।
ହାଇଦର ଏନକାଉଣ୍ଟର ସତ୍ୟାସତ୍ୟ ସାମ୍ନାକୁ ଆସୁ: ଆଇନଜୀବୀ ଏହାସହ ଯଦି ପୂର୍ବ କଥା ଅଲୋଚନା ହୁଏ, ଦୀର୍ଘ ବର୍ଷ ଧରି ଜେଲର ଚାରିକାନ୍ଥ ଭିତରେ ରହିଥିଲେ ବି ନିଜ ଅପରାଧି କିପରି ଓ କାହା ଦ୍ୱାରା କରାଯିବ ସେ ସବୁର ତିକ୍ଷ୍ଣ ନଜର ରହିଥିଲା ହାଇଦର ପାଖରେ । ଏପିରିକି ଏସସିବି ମେଡିକାଲରୁ ଫେରାର ହେବା ପାଇଁ ପୁରୁଣା ସଦସ୍ୟଙ୍କୁ ଛାଡି ନିଜର ଏକ ନୂଆ ଯୁବ ପିଢିଙ୍କୁ ନେଇ ଗ୍ୟାଙ୍ଗ ପ୍ରସ୍ତୁତ କରିଥିଲା । ଯାହା ପରବର୍ତ୍ତୀ ସମୟରେ ହାଇଦରକୁ ସୁଫଳ ମଧ୍ୟ ମିଳିଥିଲା ।ପୋଲିସ ମଧ୍ୟ ତଦନ୍ତ କରି ୨୬ ବର୍ଷୀୟ ଶେଖ ରାଇସୁଧିନ, ୧୯ ବର୍ଷର ଗେହ୍ଲି ଓରଫ ଲାଣ୍ଡି ଓରଫ ଅର୍ଚ୍ଚନା ପରିଡା, ୧୯ ବର୍ଷୀୟ ଶେଖ ଇର୍ମାନକୁ ଗିରଫ କରିଥିଲା । ସେହିପରି ଫେରାର ପଛରେ ରହିଥିବା ସମ୍ୱଲପୁର ଜେଲର ୱାର୍ଡର ଶିବ ନାରାୟଣ ନନ୍ଦ ଓ କନଷ୍ଟେବଳ ମହମ୍ମଦ ମୌସମକୁ ମଧ୍ୟ ଗିରଫ କରି ସେତେବେଳେ ସଂଖ୍ୟା ୫ରେ ପହଞ୍ଚିଥିଲା । ମାତ୍ର ଏହାପରେ ବି ଅନେକ କିଛି ତଦନ୍ତ ଆଗକୁ ରହିଥିଲା । ସେ ମଧ୍ୟରେ ହାଇଦର ଫେରାର ସମୟରେ ବ୍ୟବହାର କାର କାହାର ? କିଏ ସେ ଗାଡିକୁ ଡ୍ରାଇଭିଂ କରୁଥିଲା ? ହାଇଦର ଓ ଡ୍ରାଇଭର ବ୍ୟତୀତ ଆଉ କିଏ କାର ଭିତରେ ରହିଥିଲେ ? ହାଇଦ୍ରାବାଦରେ କାହା ପାଖରେ ରହୁଥିଲେ ଏସବୁ ଗୁମର ଅଧାରେ ରହିଗଲା । ଏପିରିକି କଟକ କି କେନ୍ଦ୍ରାପଡା ନୁହେଁ ଆନ୍ଧ୍ର, କଲିକତା ଯାଏଁ ହାଇଦରର ଖାସ ସିଲିଇପର ସେଲ ରହିଛନ୍ତି । ତେଣୁ ସେ ସବୁକୁ ଧରିବା ଏବେ ପୋଲିସ ପାଇଁ ବଡ ଚ୍ୟାଲେଞ୍ଜ ହେବ ବୋଲି କହିଛନ୍ତି କ୍ରିମିନାଲ ଆଡଭୋକେଟ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
