କଟକ: ରାତି ପାହିଲେ ମକର। ଏହି ଦିନ ଗୁଡିଉଡ଼ା ପରମ୍ପରା ବହୁ ପୁରୁଣା। କଟକ ଆକାଶରେ ଦେଖିବାକୁ ମିଳିବ ରଙ୍ଗବେରଙ୍ଗର ଗୁଡି। ମଝି ଆକାଶରେ କିଏ କାହାକୁ କିପରି ମାତ ଦେବେ ,ସେଥିପାଇଁ ପ୍ରସ୍ତୁତ ହେଲେଣି ଗୁଡିଉଡାଳି।
ମକର ସଂକ୍ରାନ୍ତିରେ ଗୁଡି ଉଡେଇବା ପାଇଁ ପ୍ରସ୍ତୁତ କଟକବାସୀ
ତେବେ ସହରରେ ଥିବା ଦୋକାନ ମାନଙ୍କରେ ଗୁଡି ବିକ୍ରି ମଧ୍ୟ ଜୋରଦାର ଚାଲିଛି। ଫିଲ୍ମଷ୍ଟାର ଠାରୁ ଆରମ୍ଭକରି କାର୍ଟୁନ, ରାଜନେତା ସହିତ ବିଭିନ୍ନ ଭେରାଇଟର ଗୁଡି ମଧ୍ୟ ଦୋକାନରେ ବିକ୍ରି ହେଉଛି।
କାଗଜ ଓ ପ୍ରିଣ୍ଟେଡ଼ ଗୁଡି ମୂଲ୍ୟ ୨ ଟଙ୍କାରୁ ୬୦ ଟଙ୍କା ରହିଥିଲାବେଳେ, କପଡାଗୁଡିର ମୂଲ୍ୟ ୧୫୦ ଟଙ୍କାରୁ ୪୦୦ ଟଙ୍କା ପର୍ଯ୍ୟନ୍ତ ରହିଛି। ସେହିପରି ଜିଲ୍ଲାରେ ମାଞ୍ଜା ସୂତା କଟକଣା ଯୋଗୁଁ କୌଣସି ଦୋକାନୀ ଗୁଡି ସୂତା ବିକ୍ରି କରୁନାହାଁନ୍ତି।
କଟକରୁ ନାରାୟଣ ସାହୁ, ଇଟିଭି ଭାରତ
