କଟକ: ରାଜ୍ୟ ସମେତ ଜିଲ୍ଲାରେ ମଧ୍ୟ ବିଭିନ୍ନ ଆଞ୍ଚଳିକ ପରିବହନ କାର୍ଯ୍ୟାଳୟରେ ଆଉ ଦୀର୍ଘ ସମୟ ପାଇଁ ଅପେକ୍ଷା କରିବାକୁ ପଡିବ ନାହିଁ । ଏଣିକି କାର୍ଯ୍ୟାଳୟରେ ଆରମ୍ଭ ହେବାକୁ ଯାଉଛି ସ୍ମାର୍ଟ୍ କିୟୁର ବ୍ୟବସ୍ଥା । ଆବେଦନକାରୀମାନେ led ମାଧ୍ୟମରେ ସମସ୍ତ ତଥ୍ୟ ଦେଖିପାରିବେ ।
ଗାଡିର ଆରସି ରିନୁଆଲ ଓ ଓନରସିପ ଟ୍ରାନ୍ସଫର ଏବେ ଅନଲାଇନ ମାଧ୍ୟମରେ ରାଜ୍ୟର ଯେକୌଣସି ଆରଟିଓ କାର୍ଯ୍ୟାଳୟରେ ହୋଇପାରିବ। ଏହି ସୁବିଧା ପାଇବାକୁ ହେଲେ ଜନସାଧାରଣ parivahan. gov. in ସାଇଟରେ ମୋବାଇଲ ନମ୍ବର ରେଜିଷ୍ଟ୍ରେସନ ସହ ଗାଡିର ସବିଶେଷ ତଥ୍ୟ ଦେବାକୁ ପଡିବ । ଗାଡି ମାଲିକମାନଙ୍କର କିଛି ତ୍ରୁଟି ରହିଲେ ଜନସାଧାରଣ ଇମେଲ ମାଧ୍ୟମରେ ଅଭିଯୋଗ କରିପାରିବେ ବୋଲି ପରିବହନ କମିଶନର ସୂଚନା ଦେଇଛନ୍ତି ।
ଏହାସହ ଡ୍ରାଇଭିଂ ଲାଇସେନ୍ସ ରିନ୍ୟୁ ବିଳମ୍ବ ପାଇଁ ମୋଟା ଅଙ୍କର ଫାଇନ ଦେବାକୁ ପଡିବନି । ପରିବହନ ବିଭାଗ ପକ୍ଷରୁ ପୂର୍ବରୁ ଫାଇନ ଫି ବିଳମ୍ବ ପାଇଁ 1000 ଟଙ୍କା ଫାଇନ ପଡ଼ୁଥିଲା । ପୂର୍ବରୁ ଏହି ବ୍ୟବସ୍ଥାକୁ ଲାଗୁ କରାଯାଉଥିବା ବେଳେ ବର୍ତ୍ତମାନ ପାଇଁ ଏହାକୁ ସ୍ଥଗିତ ରଖିଛି ପରିବହନ ବିଭାଗ ।
ତେବେ ଏହି ବ୍ୟବସ୍ଥା ଆରମ୍ଭ ହେବା ଦ୍ବାରା ଆରଟିଓ କାର୍ଯ୍ୟାଳୟରେ ଭିଡ଼ ମଧ୍ୟ ଆୟତ ହେବ ଓ ଲୋକମାନେ ମଧ୍ୟ ଅଯଥା ସମୟ ନଷ୍ଟ କରିବେ ନାହିଁ । ତେଣୁ ଏହି ସ୍ମାର୍ଟ କ୍ୟୁର ବ୍ୟବସ୍ଥା ରାଜ୍ୟରେ ପ୍ରଥମେ 8ଟି ଆରଟିଓରେ ଉପଲବ୍ଧ ହେବ । ଏହାପରେ ସବୁ ଆରଟିଓରେ ମଧ୍ୟ ଧୀରେ ଧୀରେ ଏହା କାର୍ଯ୍ୟକ୍ଷମ ହେବା ନେଇ ସୂଚନା ଦେଇଛନ୍ତି ପରିବହନ କମିଶନର ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
