କଟକ: କୌଣସି ସୂଚନା ନଦେଇ ଅସ୍ଥାୟୀ ବାସୀନ୍ଦାଙ୍କୁ ଜିଲ୍ଲାପାଳଙ୍କ ଉଚ୍ଛେଦ ନିର୍ଦ୍ଦେଶ । ଥଇଥାନ ନକରି ନିର୍ମମ ଭାବେ କଟକର ତଳିଆ ବସ୍ତିବାସିନ୍ଦାଙ୍କୁ ଉଚ୍ଛେଦ କରିବା କେତେଦୂର ଯୁକ୍ତିଯୁକ୍ତ ବୋଲି ଆହ୍ବାନ ଦେଇଛି ବସ୍ତିବାସିନ୍ଦା ମିଳିତ ମଞ୍ଚ। ଏହାକୁ ନେଇ ବସ୍ତୀବାସିନ୍ଦାଙ୍କ ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ସାମ୍ନାରେ ବିକ୍ଷୋଭ ପ୍ରଦର୍ଶନ କରାଯାଇଛି ।
ସୂଚନାଯୋଗ୍ୟ କଟକ କୃଷକ ବଜାର ବସ୍ତି , ତାଳଦଣ୍ଡା କେନାଲ ରୋଡ଼ ବସ୍ତିରେ ଦିର୍ଘଦିନ ଧରି ଅନେକ ଅସ୍ଥାୟୀ ବାସିନ୍ଦା ରହିଆସୁଛନ୍ତି । ସେମାନଙ୍କ ମଧ୍ୟରୁ ଅନେକ ପଟ୍ଟା କରିଥିବାବେଳେ କିଛି ସେଥିରୁ ବଞ୍ଚିତ ରହିଛନ୍ତି । ତେବେ ଜିଲ୍ଲାପାଳଙ୍କ ପକ୍ଷରୁ କୌଣସି ନୋଟିସ ନକରି ସିଧାସଳଖ ଉଚ୍ଛେଦ ନିର୍ଦ୍ଦେଶକୁ ବିରୋଧ କରିଛି ଆବାହକ ମହାନଗର ନାଗରିକ ମଞ୍ଚ ।
ଉଚ୍ଛେଦ କରାଯିବା ପୂର୍ବରୁ ପ୍ରଥମେ ନୋଟିସ ଦିଆଯିବା ଦରକାର । କିନ୍ତୁ ଏହି ପରିପ୍ରେକ୍ଷୀରେ କୌଣସି ସୂଚନା ନଦେଇ ସିଧାସଳଖ ଉଚ୍ଛେଦ ପ୍ରକ୍ରିୟା କେତେ ଦୂର ଯୁକ୍ତିଯୁକ୍ତ । ଯଦି ଏହି ଦିଗରେ ଜିଲ୍ଲାପାଳ କର୍ଣପାତ ନକରନ୍ତି ତେବେ ଆଗାମୀ ଦିନରେ ଆଇନ ଅମାନ୍ୟ ଆନ୍ଦୋଳନ ନିଶ୍ଚିତ ବୋଲି ଚେତାବନୀ ଦେଇଛନ୍ତି ଆବାହକ ମହାନଗର ନାଗରିକ ମଞ୍ଚର ଆବାହକ ଚିତ୍ତରଞ୍ଜନ ମହାନ୍ତି । ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
