କଟକ: ସୁରତ ଅଗ୍ନିକାଣ୍ଡ ପରେ ସାରା ଦେଶରେ ମଚିଯାଇଛି ହଟଚମଚ । ସୁରକ୍ଷାକୁ ନେଇ ଚାଲିଛି ଅଙ୍ଗୁଳି ଦେଖାଦେଖି । କେତେ ସୁରକ୍ଷିତ ପ୍ରାଇଭେଟ ପ୍ରତିଷ୍ଠାନ । ମୁଣ୍ଡ ଟେକିଛି ବହୁ ପ୍ରଶ୍ନ । ବେଧଡକ ଭାବେ କିପରି ବିନା ଲାଇସେନ୍ସରେ ଚାଲିଛି ସପିଂ ମଲ ଓ ପ୍ରାଇଭେଟ ପ୍ରତିଷ୍ଠାନ ? ଆଉ ଯାହାକୁ ଲାଇସେନ୍ସ ମିଳିଛି, ସେଠାରେ ଅଗ୍ନିନିର୍ବାପନ ବ୍ୟବସ୍ଥା ଚିହ୍ନ ନାହିଁ ।
ଭିଡିଓ ସୌଜନ୍ୟ- ସମ୍ବାଦଦାତା, କଟକ
ଏପରି ସ୍ଥିତି ରାଜ୍ୟର ବହୁ ସ୍ଥାନରେ ରହିଛି । ଖାସ କରି କଟକ ଭଳି ଜନଗହଳିପୂର୍ଣ୍ଣ ସହରରେ ଏଭଳି ପରିସ୍ଥିତି ବହୁତ ଥର ମଧ୍ୟ ଉଠିଛି । ନିଆଁ ଲାଗିଛି , କୋଟି କୋଟି ସମ୍ପତ୍ତି ନଷ୍ଟ ହୋଇଛି । ଘନ ଧନ ପ୍ରଶ୍ନ, ତର୍କ ଓ ତଦନ୍ତ ବି ହୋଇଛି । ହେଲେ ଏବେ ବି ଅନେକ ସ୍ଥାନରେ ସମାନ ସ୍ଥିତି । ତେବେ ସୁରତର ଘଟଣା ପରେ କଟକର ମଲ ଗୁଡିକରେ କିପରି ରହିଛି ସୁରକ୍ଷା ବ୍ୟବସ୍ଥା, ତାକୁ ପରଖିଛି ଇଟିଭି ଭାରତ ଟିମ ।
କଟକରୁ ନାରାୟଣ ସାହୁ, ଇଟିଭି ଭାରତ
