ନିଆଳି: ଗୋଟିଏ ପଟେ ପାଠ ପଢା ଚାଲିଛି ଆଉ ଗୋଟିଏ ପଟେ ଛାତ୍ରୀମାନେ ଶ୍ରେଣୀ ଗୃହରେ ନ ରହି ଖେଳ ପଡିଆର ବର୍ଷା ପାଣିରେ ଓଦା ହେଉଥିବା ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବରେ ଲାଗିଛି । ଭିଡିଓକୁ ଦେଖିଲା ପରେ ଲାଗୁଛି ନାଁ ଏଠି ଛାତ୍ରୀ ମାନଙ୍କର ଭୟ ଅଛି ନାଁ ଶିକ୍ଷକ ଶିକ୍ଷୟିତ୍ରୀ ମାନଙ୍କର ଦାୟିତ୍ଵ ଅଛି । ଏ ହେଉଛି କଟକ ଜିଲ୍ଲା ନିଆଳି ହାଇସ୍କୁଲକୁ ଲାଗିକି ରହିଥିବା ଖେଳ ପଡିଆ । ନାଁ ଶିକ୍ଷକ ମାନଙ୍କର କିଛି ଲଗାମ ଅଛି ନାଁ ଛାତ୍ରୀ ମାନଙ୍କର ଭୟ ଅଛି ।
ବିଦ୍ୟାଳୟର ଦାୟିତ୍ବହୀନତା ନେଇ ରାଜ୍ୟ ଶିକ୍ଷା ବିଭାଗର ପଡିବ କି ଦୃଷ୍ଟି, ଶିକ୍ଷାର ବିକାଶ ପାଇଁ ସରକାର ବିଭିନ୍ନ ପଦକ୍ଷେପ ନେଉଥିବା ବେଳେ ବାସ୍ତବରେ ବିଦ୍ୟାଳୟର ଦାୟିତ୍ବହୀନତାର ଏଠି ଦେଖାଦେଇଛି । ଶୁକ୍ରବାର ଅପରାହ୍ନ ସମୟରେ ଛାତ୍ରଛାତ୍ରୀ ମାନେ କିପରି ଖେଳ ପଡ଼ିଆରେ ଅତି ବର୍ଷା ପାଣିରେ ଗାଧୋଉଥିବା ଦୃଶ୍ୟ ଦେଖିବାକୁ ମିଳିଛି । ତାହା ଉପରେ ସ୍କୁଲ କର୍ତ୍ତୃପକ୍ଷର କୌଣସି ନଜର ନାହିଁ । ସାପ, କିମ୍ବା କୌଣସି ହିଂସ୍ର ଜୀବଜନ୍ତୁ ଯଦି କିଛି ଆଘାତ କରେ ଏନେଇ କିଏ ଦାୟୀ ରହିବେ ବୋଲି ପ୍ରଶ୍ନ ଉଠିଛି ।
ଇଟିଭି ଭାରତ, ନିଆଳି
