କଟକ: ମଙ୍ଗଳବାଗ ଥାନା ପୋଲିସ କବଜାରେ ବାଇକ ଲୁଟେରା ଗ୍ୟାଙ୍ଗ । କଟକର ବିଭିନ୍ନ ସ୍ଥାନରୁ ଦାମୀ ବାଇକ ଚୋରି କରି ବିକୁଥିବା 2 ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଛ ମଙ୍ଗଳାବାଗ ଥାନା ପୋଲିସ । ଗିରଫ ଦୁଇ ଅଭିଯୁକ୍ତଙ୍କ ନାଁ ଲିଟୁ ଓ ଦିପୁ । ସେମାନଙ୍କ ନିକଟରୁ 6 ଚୋରି ବାଇକ ମଧ୍ୟ ଜବତ ହୋଇଥିବା ଜଣାପଡିଛି ।
ପୋଲିସ କବ୍ଜାରେ 2 ବାଇକ ଲୁଟେରା, 6 ବାଇକ ଜବତ
ବୟସ ବେଶୀ ନୁହେଁ ହେଲେ ଅପରାଧ ପ୍ରବଣ ମାନସିକତା ଦୁହିଁକୁ ସଜାଇଥିଲା ଲୁଟେରା । ଅନେକ ଦିନରୁ ବିଭିନ୍ନ ଅପରାଧକୁ ରୂପ ଦେବା ପରେ ନିକଟରେ ବାଇକ ଲୁଟେରା ଗ୍ୟାଙ୍ଗ ଆରମ୍ଭ କରିଥିଲେ ଉଭୟ । ତେବେ ଚଳିତମାସ 1 ତାରିଖ ଦିନ ଥାନାରେ ହୋଇଥିବା ଲିଖିତ ଗାଡି ଚୋରି ମାମଲାରେ ତଦନ୍ତ ଆରମ୍ଭ କରିଥିଲା ପୋଲିସ । ଶେଷରେ ଉଭୟଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ପୋଲିସ କହିଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
