କଟକ: ଖରାପ ପାଗ ବିଗାଡ଼ିଲା ବାରବାଟୀ ସ୍ଥିତି । ଆସନ୍ତାକାଲି ହେବାକୁ ଥିବା ସିନିୟର ମହିଳା ଟି20 ଚାଲେଞ୍ଜର ଟ୍ରଫି ପାଇଁ ହୋଇ ପାରିଲାନି ଅଭ୍ୟାସ । କିଛି ସମୟ ପଡିଆରେ ୱାର୍ମଅପ କରିବା ପରେ ଡ୍ରେସିଂ ରୁମ ବାହୁଡିଲେ ଭାରତ ଏ ଓ ବି ଦଳର ସମସ୍ତ ଖେଳାଳି ।
ଖରାପ ପାଗ ଯୋଗୁଁ ଖେଳାଳି କରିପାରିଲେନି ଅଭ୍ୟାସ
ନିର୍ଦ୍ଧାରିତ ସମୟରେ ବର୍ଷା ହେବାରୁ ଅତିରିକ୍ତ ପିଚ୍ରେ ଖେଳାଳି ଖେଳି ପାରିଲେ ନାହିଁ। ଆସନ୍ତାକାଲି ପ୍ରତିଯୋଗିତାର ପ୍ରଥମ ମ୍ୟାଚ ଖେଳାଯିବ । ଯେଉଁଥିରେ ମୁଁହାମୁହିଁ ହେବେ ଭାରତ ଏ ଓ ବି । ସବୁଠୁ ଗୁରୁତ୍ବପୂର୍ଣ୍ଣ କଥା ହେଉଛି ଭାରତ ବି ଓ ସି ଦଳରେ ନଜର ଆସିବେ 2 ଓଡିଆ ଖେଳାଳି ସୁଶ୍ରୀ ଦିବ୍ୟ ଦର୍ଶନୀ ଓ ମାଧୁରୀ ମେହେଟା। ପ୍ରତିଦିନ ଗୋଟିଏ ଲେଖାଁଏ ମ୍ୟାଚ ଖେଳାଯିବ । ଆସନ୍ତାକାଲିଠୁ ଆରମ୍ଭ ହୋଇ 10 ତାରିଖ ପର୍ଯ୍ୟନ୍ତ ଚାଲିବ ଏହି ପ୍ରତିଯୋଗିତା ।
କଟକରୁ ପ୍ରଭୁକଲ୍ୟାଣ ପାଲ୍, ଇଟିଭି ଭାରତ
