ନିଆଳି: ଭଉଣୀ ଘରକୁ ବୁଲିବାକୁ ଯାଉଛି କହି ବୁଲିବାକୁ ଗତକାଲି(ମଙ୍ଗଳବାର) ବାହାରିଥିଲେ ବୃଦ୍ଧ । ଅପରାହ୍ଣ ସମୟରେ ଦେବୀ ନଦୀ କୂଳଶ୍ରୀ ବ୍ରିଜ ଉପରୁ ଡେଇଁ ପଡିଥିବା ଖବର ଆସିଲା । ଏବେ ସୁଦ୍ଧା ବି ବୃଦ୍ଧଙ୍କ ଖୋଜଖବର ମିଳିନାହିଁ । ବୃଦ୍ଧ ଜଣକ ହେଲେ ଆଳି ଥାନା କୂଳଶ୍ରୀ ଗ୍ରାମର ଗଦାଧର ଜେନା । ଦେବୀ ନଦୀ କୂଳଶ୍ରୀ ବ୍ରିଜ ଉପରେ ବୃଦ୍ଧଙ୍କ ଚପଲ, ଗାମୁଛା ଏବଂ ସାର୍ଟ ଥୋଇ ବୃଦ୍ଧ ପାଣିକୁ ଡେଉଁ ପଡିଥିବା ଲୋକେ ସନ୍ଦେହ କରୁଥିବା ବେଳେ ଓଡ୍ରାଫ ଟିମ ତାଙ୍କୁ ଖୋଜାଖୋଜି ଜାରି ରଖିଛି ।
ଅଧିକ ପଢ଼ନ୍ତୁ: ଶେଷଯାତ୍ରା ପାଇଁ ଶ୍ମଶାନ ଅପହଞ୍ଚ, ଭରା ନଈରେ ମୃତଦେହ ବୋହିଲେ ଲୋକେ
ମିଳିଥିବା ସୂଚନା ଅନୁସାରେ, କଟକ ଜିଲ୍ଲା ନିଆଳି ଥାନା କୂଳଶ୍ରୀ ଗ୍ରାମର ୫୮ ବୟସ୍କ ଗଦାଧର ଜେନା । ଗତକାଲି ସକାଳ ସମୟରେ ଭଉଣୀ ଘର ଜଗତସିଂହପୁର ଜିଲ୍ଲା ଧୂଆଁପାରି ଯିବ ବୋଲି କହି ଘରୁ ବାହାରିଥିଲେ । ଚାରିଦିନ ରହି ଧାନ କାର୍ଯ୍ୟ କରି ଘରକୁ ଫେରିବା ପାଇଁ ଘରେ କହି ଯାଇଥିଲେ । ପାଞ୍ଚ ଘଣ୍ଟା ପରେ ଘରକୁ ଖବର ଆସିଲା ଗଦାଧରଙ୍କ ଚପଲ, ସାର୍ଟ ଓ ଗାମୁଛା ବ୍ରିଜ ଉପରେ ଥୁଆ ହୋଇଛି । ଏହାପରେ ପରିବାର ଲୋକେ ସମସ୍ତ ବନ୍ଧୁ ବାନ୍ଧବ ଘରକୁ ଫୋନ ମାଧ୍ୟମରେ ବୁଝାବୁଝି କରିଥିଲେ । କିନ୍ତୁ ଭଉଣୀ ଘର କିମ୍ବା ଅନ୍ୟ ବନ୍ଧୁ ଘରକୁ ଗଦାଧର ଯାଇନଥିବା ସୂଚନା ପାଇଥିଲେ ।
ଏହା ବି ପଢ଼ନ୍ତୁ: Watch Video: ହଠାତ୍ ବଢ଼ିଲା ଭାଗିରଥୀ ନଦୀର ଜଳସ୍ତର, ପାଣି ମଝିରେ ଫସିଗଲା ବାଳକ
ତେବେ ବ୍ରିଜ ଉପରେ ଗଦାଧରଙ୍କ ଚପଲ, ଗାମୁଛା ଓ ସାର୍ଟ ଦେଖି ପରିବାର ଏବଂ ସ୍ଥାନୀୟ ଅଞ୍ଚଳରେ ସନ୍ଦେହ ବାତାବରଣ ସୃଷ୍ଟି ହୋଇଥିଲା । ଖବର ପାଇ ନିଆଳି ପୋଲିସ, ଅଡଶପୁର ଅଗ୍ନଶମ ଓ ଓଡ୍ରାଫ ଏବଂ ଜଗତସିଂହପୁର ପୋଲିସ ଓ ଅଗ୍ନିଶମ ବିଭାଗ ପହଞ୍ଚି କୂଳଶ୍ରୀ ଦେବୀ ନଦୀ ଭରା ପାଣିରେ ଖୋଜାଖୋଜି ଜାରି ରଖିଛି । କିନ୍ତୁ ଏପର୍ଯ୍ୟନ୍ତ ଗଦାଧରଙ୍କ କୌଣସି ସୂଚନା ମିଳିପାରିନାହିଁ। ଯଦି ଗଦାଧର ଭଉଣୀ ଘରକୁ ଯାଇନାହାଁନ୍ତି ତେବେ କେଉଁ ଆଡେ ଗଲେ ବୋଲି ପରିବାର ଚିନ୍ତା ପ୍ରକଟ କରିଛନ୍ତି । ବ୍ରିଜ ନିକଟରେ ତାଙ୍କ ପିନ୍ଧିବା ଜିନିଷ ମିଳିବା ପରେ ନଦୀକୁ ଡେ଼ଇଁ ଥିବା ନେଇ ସନ୍ଦେହ କରାଯାଉଛି ।
ଇଟିଭି ଭାରତ, ନିଆଳି
