କଟକ: ଆସନ୍ତା ୧୮ରୁ ଆରମ୍ଭ ହେବ ମାଟ୍ରିକ ମୂଲ୍ୟାୟନ ପ୍ରକ୍ରିୟା । ୭୮୮ଟି ୟୁନିଟରେ ମୂଲ୍ୟାୟନ ହେବ ସମସ୍ତ ମାଟ୍ରିକ ଖାତା । ଚଳିତ ଥର ୨ଟି ପ୍ରକ୍ରିୟାରେ ହେବ ମୂଲ୍ୟାୟନ ପ୍ରକ୍ରିୟା । ପ୍ରଥମେ ଅବଜେକ୍ଟିଭ ଓ ପରେ ସବଜେକ୍ଟିଭ ଖାତାର ମୂଲ୍ୟାୟନ କରାଯିବ। ଅବଜେକ୍ଟିଭ ମୂଲ୍ୟାୟନ ପାଇଁ ପ୍ରତି ୟୁନିଟରେ ୨୦ ଜଣ ପରୀକ୍ଷକ, ଜଣେ ମୁଖ୍ୟ ପରୀକ୍ଷକ , ୨ ଜଣ ଡେପୁଟି ଏଗଜାମିନର ଓ ୨ ଜଣ ସ୍କୁଟିନାଇଜରଙ୍କୁ ନିୟୋଜିତ କରାଯିବ।
ମାର୍ଚ୍ଚ 18ରୁ ମାଟ୍ରିକ ମୂଲ୍ୟାୟନ ଆରମ୍ଭ
ସେହିପରି ସବଜେକ୍ଟିଭ ପାଇଁ ପ୍ରତି ୟୁନିଟରେ ୧୨ ଜଣ ଏଗଜାମିନର ରହିବେ। ତେବେ ୧୫ ହଜାରରୁ ଅଧିକ ଶିକ୍ଷକ ମୂଲ୍ୟାୟନ ପ୍ରକ୍ରିୟାରେ ସାମିଲ ହେବେ । ୨୦ ଦିନ ମଧ୍ୟରେ ମୂଲ୍ୟାୟନ ପ୍ରକ୍ରିୟା ଶେଷ ହେବ ବୋଲି ବୋର୍ଡ ପରୀକ୍ଷା ନିୟନ୍ତ୍ରକ ନିହାର ରଞ୍ଜନ ମହାନ୍ତି ସୂଚନା ଦେଇଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
