କଟକ: ଜିଲ୍ଲାର ଖାନ ନଗର ବସ ଟର୍ମିନାଲକୁ ନେଇ ବିବାଦ ବଢିବାରେ ଲାଗିଛି । ତେବେ ଅଞ୍ଚଳବାସୀଙ୍କୁ ଜମିଜମା ବା କୌଣସି ବସ୍ତି ଉଚ୍ଛେଦ ନ ହେବା ପାଇଁ ଜିଲ୍ଲପାଳ କହିଛନ୍ତି । କିନ୍ତୁ ଅଞ୍ଚଳବାସୀ ଏନେଇ ଏକ ସତ୍ୟପାଠ ଦାଖଲ କରିବା ପାଇଁ ଦାବି କରିଛନ୍ତି ।
ଦଳୀୟ ସାଂସଦ ଓ ଜିଲ୍ଲା ସଭାପତିଙ୍କ ମଧ୍ୟରେ ଖାନନଗର ବସ୍ ଟର୍ମିନାଲକୁ ନେଇ ବିବାଦ ଲାଗି ରହିଛି । ସେପଟେ ଜିଲ୍ଲାପାଳ କୌଣସି ପ୍ରକାର ବସ୍ତି ଉଚ୍ଛେଦ କାର୍ଯ୍ୟ ହେବ ନାହିଁ ବୋଲି କହିଛନ୍ତି । ଅଞ୍ଚଳବାସୀ ଏହି ସମ୍ପର୍କରେ ସୂଚନା ପାଇ ଖୁସି ହେବା ସହିତ ସରକାର ଏଥିଲାଗି ଏକ ସତ୍ୟପାଠ ଦାଖଲ କରନ୍ତୁ ବୋଲି ସେମାନେ ଦାବି କରିଛନ୍ତି ।
ମୋ କଟକ ସୁରକ୍ଷା ମଞ୍ଚର ସଦସ୍ୟ ଜିତେନ୍ଦ୍ର ସାହୁ ସରକାରଙ୍କ ଏହି ଯୋଜନାକୁ ସ୍ବାଗତ କରିଛନ୍ତି । କିନ୍ତୁ ବିସ୍ଥାପିତ ସମ୍ପର୍କରେ ସରକାର ଓ ପ୍ରଶାସନ ଏକ ସତ୍ୟପାଠ ଦାଖଲ କରନ୍ତୁ ବୋଲି ସେ ଦାବି କରିଛନ୍ତି । ଯଦି ସତ୍ୟପାଠ ଦାଖଲ ନ ହୁଏ ତେବେ କଟକବାସୀଙ୍କ ସହ ସରକାର ଖେଳ ଖେଳୁଥିବା ସ୍ପଷ୍ଟ ହେବ ବୋଲି ସେ କହିଛନ୍ତି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
