ନିଆଳି: ଖୋର୍ଦ୍ଧା ଜିଲ୍ଲା ବାଲିଅନ୍ତା ବ୍ଲକର ଦୈନିକ ଖବରକାଗଜ ପ୍ରତିନିଧି ନିଖୋଜ । ୩ ଦିନ ହେଲାଣି ବାଲିଅନ୍ତା ଗଣମାଧ୍ୟମ ପ୍ରତିନିଧି ପୀତବାସ ଦାସଙ୍କର କୌଣସି ପତ୍ତା ମିଳୁନାହିଁ । ସୋମବାର ସନ୍ଧ୍ୟା ୭ଟାରୁ ସେ ନିଖୋଜ ଅଛନ୍ତି । ତାଙ୍କ ନିଖୋଜକୁ ନେଇ ବାଲିଅନ୍ତା ଥାନାରେ ପରିବାର ପକ୍ଷରୁ ଲିଖିତ ଅଭିଯୋଗ ହୋଇଛି ।
ସୂଚନା ଥାଉକି ପୀତବାସ ସୋମବାର ସନ୍ଧ୍ୟା କୌଣସି ଏକ କାର୍ଯ୍ୟରେ ପାଖ ବଜାରକୁ ଯାଇଥିଲେ । ତେବେ ତାଙ୍କ ବାଇକରେ ଚାବି ଲାଗି ଥିବା ଅବସ୍ଥାରେ ଦେଖି ପରିବାର ଲୋକଙ୍କୁ କିଛି ବ୍ୟକ୍ତି ଖବର ଦେଇଥିଲେ । ପରେ ପୀତବାସ କେଉଁ ଆଡେ ଗଲେ ତାହାର କୌଣସି ସନ୍ଧନ ମିଳିପାରୁ ନାହିଁ । ସମସ୍ତ ବନ୍ଧୁବାନ୍ଧବଙ୍କୁ ପୀତବାସଙ୍କ ନିଖୋଜ ସମ୍ପର୍କରେ ସୂଚନା ଦେଇଛନ୍ତି ପରିବାର ଲୋକ । ପୀତବାସଙ୍କ ପତ୍ନୀ ଶ୍ରଦ୍ଧାଞ୍ଜଳି ତ୍ରିପାଠୀ ପଞ୍ଚାୟତ ନିର୍ବାଚନରେ ସରପଞ୍ଚ ଭାବେ ପ୍ରତିଦ୍ୱନ୍ଦିତା କରୁଛନ୍ତି । ନିର୍ବାଚନକୁ ନେଇ ଏଭଳି ଘଟିଥିବା ପରିବାର ପକ୍ଷରୁ ସନ୍ଦେହ କରାଯାଉଛି ।
ନିଆଳିରୁ ଉମେଶ ଚନ୍ଦ୍ର ମଲ୍ଲିକ, ଇଟିଭି ଭାରତ
