କଟକ: ସିଲଭରସିଟିରେ ଜଣ୍ଡିସ ଆତଙ୍କ । ଲୋକଙ୍କ ମନରେ କୋକୁଆ ଭୟ । ଗୋଟେପଟେ ମୌସୁମୀ ଜନିତ ଭୟ ଅନ୍ୟପଟେ ଜଣ୍ଡିସ, ଯାହା ସହରବାସୀଙ୍କୁ ଅସ୍ତବ୍ୟସ୍ତ କରିସାରିଲାଣି ।
ବିଶେଷକରି ମେହେନ୍ଦୀ ବଜାର, କାଜି ବଜାର ଓ ଗଙ୍ଗା ମନ୍ଦିର ଅଞ୍ଚଳରେ ଖୁବ କ୍ଷିପ୍ର ବେଗରେ ମାଡିଚାଲିଛି ଜଣ୍ଡିସ । ବର୍ତ୍ତମାନ ସୁଦ୍ଧା 15 ରୁ ଉର୍ଦ୍ଧ୍ଵ ଏହି ରୋଗରେ ପୀଡିତ ଥିବା ନେଇ ଜଣାପଡିଛି । ତେବେ ଜଣ୍ଡିସ ହେବାର ମୂଳ କାରଣ ଜାଇକାର ଅବ୍ୟବସ୍ଥା ବୋଲି କହିଛନ୍ତି ସ୍ଥାନୀୟ ବାସିନ୍ଦା ।
ଭିଡ଼ିଓ ସୌଜନ୍ୟ: ସମ୍ବାଦଦାତା, କଟକ
ଦୀର୍ଘଦିନ ଧରି ଜାଇକା କାମ କଟକ ଅଞ୍ଚଳରେ ଚାଲୁରହିଛି । ଫଳରେ ବିଶୁଦ୍ଧ ପାନୀୟ ଜଳ ଆସୁଥିବା ପାଇପଗୁଡ଼ିକ ଫାଟି ଯାଉଛି । ଯାହାଦ୍ୱାରା ଏହି ମାରତ୍ମକ ରୋଗର ଶିକାର ବସ୍ତିବାସିନ୍ଦା ହେଉଛନ୍ତି। ଏହାସହିତ ସିଏମସି ଓ ଜିଲା ପ୍ରଶାସନ ଏଯାବତ୍ ଏହି ଦିଗରେ କୌଣସି ଦୃଷ୍ଟି ଦେଇନଥିବା ଅଭିଯୋଗ କରିଛନ୍ତି ସ୍ଥାନୀୟ ବାସୀ ।
କଟକରୁ ପ୍ରଭୁକଲ୍ଯାଣ ପାଲ, ଇଟିଭି ଭାରତ
