କଟକ: କୁଖ୍ୟାତ ଲୁଟେରାକୁ ଗିରଫ କରିବାରେ ସଫଳ ହୋଇଛି ଜଗତପୁର ଥାନା ପୋଲିସ । ଗତ ମାର୍ଚ୍ଚ ୨୫ ତାରିଖରେ ଚୌଦ୍ୱାର ଅଞ୍ଚଳର ସାଗରୀକା ଶୁଭଲକ୍ଷ୍ମୀ ସ୍ୱାଇଁ ନାମକ ଜଣେ ମହିଳାଙ୍କ ଘରୁ ଡକାୟତି ହୋଇଥିବା ନେଇ ଥାନାରେ ଅଭିଯୋଗ ହୋଇଥିଲା। ମହିଳା ଜଣଙ୍କ ଘରେ ନଥିବାବେଳେ କିଛି ଲୁଟେରା ଘରେ ପଶି ସୁନା, ରୂପା ଓ ଟିଭି ଆଦି ଲୁଟି ନେଇଥିଲେ ।
ତେବେ ଜଗତପୁର ଥାନା ପୋଲିସ ହାତରେ ଲୁଟେରା ଜଣକ ଗତକାଲି ଧରାପଡିଥିଲା । ପୋଲିସ ପଚରାଉଚରା କରିବାରୁ ସେ ଲୁଟ କରିଥିବା ନେଇ ସ୍ୱୀକାର କରିଥିଲା। ପୋଲିସ ଲୁଟେରାକୁ ଗିରଫ କରିବା ସହ ତା ନିକଟରୁ ଗୋଟିଏ ଦାମୀ ମୋବାଇଲ ଓ ୩୨ ଇଞ୍ଚର ଏକ ଏଲଇଡି ଟିଭିକୁ ଜବତ କରିଥିବା ସୂଚନା ଦେଇଛି ପୋଲିସ ।
କଟକରୁ ନାରାୟଣ ସାହୁ ,ଇଟିଭି ଭାରତ
