କଟକ: ଆଇଆଇଏଫଏଲ ଡକାୟତି ମାମଲାରେ ଲମ୍ବୁଛି ଅଭିଯୁକ୍ତଙ୍କ ସଂଖ୍ୟା । ଆଜି ପୁଣି ଦୁଇ ଜଣଙ୍କୁ ଗିରଫ କରିଛି ପୋଲିସ । ଜଣେ ମଙ୍ଗଳାବାଗ ଅଞ୍ଚଳର ରେଣୁକା ଜୁଏଲାରିର ଗଣେଶ୍ବର ପୃଷ୍ଟି ହୋଇଥିଲା ବେଳ ଅନ୍ୟଜଣେ ଆଲମଚାନ୍ଦ ବଜାର ଯଶୋଦା ଜୁଏଲାରିର ଲଳିତ କୁମାର ସୋନି । ଉଭୟ ମୁଖ୍ୟ ଅଭିଯୁକ୍ତ ଲାଲା ଅମ୍ରିତ ରାୟର ସହଯୋଗୀ ଥିବା ସୂଚନା।
IIFL ଡକାୟତି ମାମଲା, ପୋଲିସ ହ୍ୟାଣ୍ଡକପରେ ଆଉ 2 ଅଭିଯୁକ୍ତ
ଉଭୟଙ୍କୁ ଆଜି ଗିରଫ କରି କୋର୍ଟ ଚାଲାଣ କରିଛି ପୋଲିସ । ତେବେ ଆହୁରି ଚାଲିଛି ଖୋଳତାଡ଼ । ଖୁବ ଶୀଘ୍ର ଆହୁରି ଅଭିଯୁକ୍ତ ପୋଲିସ ହ୍ୟାଣ୍ଡକପକୁ ଆସିବା ନେଇ ପୋଲିସ ପକ୍ଷରୁ ସୂଚନା ।
ତେବେ ଆଇଆଇଏଫଏଲ ଡକାୟତି ଘଟଣାରେ ଏଯାବତ 10 ଜଣଙ୍କୁ ଗିରଫ କରିଛି ପୋଲିସ । 10 କେଜି ସୁନା ମଧ୍ୟ ଜବତ ହୋଇଛି । ଏହି ଘଟଣାରେ ଜଟିଳ ସ୍ଥିତି ରହିଛି ।
କଟକରୁ ନାରାୟଣ ସାହୁ, ଇଟିଭି ଭାରତ
