କଟକ: ଓଡିଶା ହାଇକୋର୍ଟରେ ବିଚାରପତିଙ୍କ ସଂଖ୍ୟା କମିବାରେ ଲାଗିଛି । ହାଇକୋର୍ଟରେ ୨୭ ଜଣ ବିଚାରପତି ଆବଶ୍ୟକ ଥିଲାବେଳେ, ମାତ୍ର ୧୩ ଜଣ ବିଚାରପତିଙ୍କୁ ନେଇ ଓଡିଶା ହାଇକୋର୍ଟରେ ବିଚାର ପ୍ରକ୍ରିୟା ଚାଲୁଛି । ଯାହାକୁ ନେଇ ଅସନ୍ତୋଷ ଜାହିର କରିଛି ଓଡିଶା ହାଇକୋର୍ଟ ବାର ଆସୋସିଏସନ୍ । ତୁରନ୍ତ ୧୪ଟି ବିଚାରପତି ପଦ ପୂରଣ କରିବା ସହିତ ହାଇକୋର୍ଟ ବାର ମଧ୍ୟରୁ ବିଚାରପତି ଚୟନ କରିବାକୁ ଆସୋସିଏସନ ଦାବି କରିଛି ।
ହାଇକୋର୍ଟ ବାର ମଧ୍ୟରୁ ନିୟମିତ ଆଇନଜୀବୀମାନଙ୍କ ମଧ୍ୟରୁ ବିଚାରପତି ଚୟନ କରିବାକୁ ଆସୋସିଏସନ ଦାବି କରିଛି । ହେଲେ ହାଇକୋର୍ଟ ବାର ପରିସରଭୁକ୍ତ ନ ଥିବା ଜଣେ ଆଇନଜୀବୀଙ୍କୁ ବିଚାରପତି ପାଇଁ କଲେଜିୟମ ଚୟନ କରୁଥିବା ନିଷ୍ପତ୍ତିକୁ ମଧ୍ୟ ଆସୋସିଏସନ ବିରୋଧ କରିଛି । ଏନେଇ ରାଜ୍ୟପାଳ, ରାଷ୍ଟ୍ରପତି, ପ୍ରଧାନମନ୍ତ୍ରୀ, କେନ୍ଦ୍ର ଆଇନମନ୍ତ୍ରୀ, ମୁଖ୍ୟ ବିଚାରପତିଙ୍କୁ ଆସୋସିଏସନ ପକ୍ଷରୁ ଦାବିପତ୍ର ପ୍ରଦାନ କରାଯାଇଛି । ତେବେ ଦାବି ପୂରଣ ନ ହେଲେ ଆଗାମୀ ଦିନରେ ଆନ୍ଦୋଳନ କରାଯିବ ବୋଲି ଆଜି ସାମ୍ବାଦିକ ସମ୍ମିଳନୀରେ ଆସୋସିଏସନ ପକ୍ଷରୁ ସୂଚନା ଦିଆଯାଇଛି ।
କଟକରୁ ନାରାୟଣ ସାହୁ, ଇଟିଭି ଭାରତ
