କଟକ: ଚିକିତ୍ସା ଅଭାବରୁ ଭୀମସାରରେ କୋରୋନା ରୋଗୀଙ୍କ ମୃତ୍ୟୁ ପ୍ରସଙ୍ଗ । ଏହି ମାମଲାର ଶୁଣାଣି କରି ମୃତକଙ୍କ ପରିବାରବର୍ଗକୁ କ୍ଷତିପୂରଣ ଦେବାକୁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ । ୧୩ଟି ପରିବାରକୁ କ୍ଷତିପୂରଣ ଦେବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି । ୨ଟି ପରିବାରକୁ ୫ ଲକ୍ଷ ଲେଖାଏଁ ଓ ଅନ୍ୟ ୧୧ଟି ପରିବାରକୁ ୫୦ ହଜାର ଲେଖାଏଁ କ୍ଷତିପୂରଣ ପ୍ରଦାନ କରିବାକୁ ନିର୍ଦ୍ଦେଶ ଦେଇଛନ୍ତି ଉଚ୍ଚ ନ୍ୟାୟଳୟ ।
ଆସନ୍ତା ମେ ୨ ତାରିଖ ସୁଦ୍ଧା କ୍ଷତିପୂରଣ ପ୍ରଦାନ ସମ୍ପର୍କରେ ସତ୍ୟପାଠ ମାଧ୍ୟମରେ ଜଣାଇବାକୁ ହାଇକୋର୍ଟ ମାମଲାର ଶୁଣାଣି କରି କହିଛନ୍ତି । କହିରଖୁଛୁ କି, କୋରୋନାର ଦ୍ବିତୀୟ ଲହରୀରେ ଚିକିତ୍ସା ଅଭାବରୁ ଭୀମସାରରେ ରୋଗୀ ମୃତ୍ୟୁ ହୋଇଥିବା ଦର୍ଶାଇ ଦିଲ୍ଲୀର ଆଇନଜୀବୀ ଜ୍ଞାନଦତ୍ତ ଚୌହ୍ବାନ ହାଇକୋର୍ଟଙ୍କୁ ଏକ ଚିଠି ମାଧ୍ୟମରେ ଅବଗତ କରିଥିଲେ । ହାଇକୋର୍ଟ ଏହି ଚିଠିକୁ ଗୁରୁତ୍ବ ଭାବେ ନେଇ ଜନସ୍ବାର୍ଥ ମାମଲା ଭାବେ ଗ୍ରହଣ କରି ଆଜି ଏଭଳି ରାୟ ପ୍ରଦାନ କରିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
