କଟକ: ପୁଣି ସିଲଭର ସିଟିରେ ଜାତୀୟ ସ୍ତରୀୟ ମ୍ୟାଚ । ଜବାହାରଲାଲ ଇଣ୍ଡୋର ଷ୍ଟାଡିୟମରେ ଖେଳାଯିବ 46ତମ ଜାତୀୟ ସବ୍ ଜୁନିୟର ବାସ୍କେଟ ବଲ ଚମ୍ପିଆନସିପ । ଯେଉଁଥିରେ ଭାଗ ନେବେ 26ଟି ରାଜ୍ୟର1000 ଖେଳାଳୀ ଅଂଶଗ୍ରହଣ କରିବେ ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ଏହା ପ୍ରଥମ ଥର ପାଇଁ ରାଜ୍ୟ ସରକାରଙ୍କ ସହାୟତାରେ କଟକ ଇଣ୍ଡୋର ଷ୍ଟାଡିୟମରେ ଖେଳାଯିବ । ଚଳିତମାସ 3ରୁ ଆରମ୍ଭ ହୋଇ 9ରେ ଶେଷ ହେବ । ଏନେଇ ଖେଳାଳୀମାନଙ୍କ ରହିବା ପାଇଁ ଉଭୟ କଟକ-ଭୁବନେଶ୍ବରର ହୋଟେଲ ଓ ବାରବାଟୀ ଷ୍ଟାଡିୟମର କମ୍ପ୍ଲେକ୍ସରେ ବ୍ୟବସ୍ଥା କରାଯାଇଥିବା କହିଛନ୍ତି ରାଜ୍ୟ ବାସ୍କେଟବଲ ଆସୋସିଏସନ । ତେବେ ଏହି ମେଗା ଇଭେଣ୍ଟକୁ କ୍ରୀଡାପ୍ରେମୀ ବେଶ ଉପଭୋଗ କରିବେ ବୋଲି କହିଛନ୍ତି ରାଜ୍ୟ ସମ୍ପାଦକ ଜ୍ଞାନ ରଞ୍ଜନ ପରିଡା ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
