କଟକ: ଅନଲାଇନ ଟିକେଟ ବୁକିଂକୁ ନେଇ ଲାଗିରହିଛି କେଁ । ଯେଉଁପରି ଭାବରେ ଅଧ ଘଣ୍ଟା ମଧ୍ୟରେ ସମସ୍ତ ଟିକେଟ ଗାୟବ ହେଲା ତାକୁ ନେଇ ନିରାଶ ହୋଇଛନ୍ତି କ୍ରୀଡା ପ୍ରେମୀ । କାରଣ ସମସ୍ତେ ଚାହିଁ ରହିଥିଲେ 5 ତାରିଖକୁ । କିନ୍ତୁ ସର୍ଭର ଜାମ ଯୋଗୁ ବିଳମ୍ବରେ ୱେବ ସାଇଟ ଖୋଲିଥିଲା । ଆଉ ଆଖି ପିଛୁଲାକେ ଟିକେଟ ଗାଏବ ହୋଇଯାଇଥିଲା ।
କିଏ ନେଇ ଗଲା ମ୍ୟାଚ ଟିକେଟ! 9 ତାରିଖ ରେ ଉଠିବ ରହସ୍ୟ
ଅଧଘଣ୍ଟାରେ ଟିକେଟ ସରିବାକୁ ନେଇ ଫ୍ୟାନ୍ସ ମାନେ ପ୍ରଶ୍ନ କରିଥିଲେ ଯେ ଏତେ ଶୀଘ୍ର ଟିକେଟ ବୁକିଂ ହେଲା କେମିତି । ତେବେ ଏହି ସମସ୍ତ ପ୍ରଶ୍ନର ଉତ୍ତର ଆସନ୍ତା 9 ତାରିଖରେ ସମ୍ନାକୁ ଆସିବ । ଟିକେଟ କମ୍ପାନୀ ସହ ଆଲୋଚନା ପରେ ସମସ୍ତ ତଥ୍ୟ ଓସିଏ ପାଖରେ ରହିଛି । କିଏ କିଏ ବୁକିଂ କରିଛନ୍ତି ଟିକେଟ । ସବୁ କିଛି ତଥ୍ୟ 9 ତାରିଖରେ ସମ୍ନାକୁ ଆସିବ ବୋଲି ଓସିଏ ସମ୍ପାଦକ ସଞ୍ଜୟ ବେହେରା ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
